लोकदर्शन 👉 मोहन भारती
राजुरा-1 नोव्हेंबर 2005 पासून नियुक्त झालेल्या शिक्षकांसह अन्य सर्व संवर्गातील कर्मचाऱ्यांच्या सुरक्षित भविष्यासाठी जुन्या पेन्शनयोजनेसह, उपदान आणि कुटुंब निवृत्ती वेतन मिळविण्यासाठी महाराष्ट्र राज्य जुनी पेन्शन संघटनेच्या वतीने भव्य जुनी पेन्शन संकल्प यात्रा सुरू असून या न्याय हक्काच्या मागणीसाठी गोंडवाना विद्यापीठ यंग टीचर्स असोसिएशन ने या जुनी पेन्शन संकल्प यात्रेला आपला पाठिंबा जाहीर केलेला आहे.
पेन्शन हा कर्मचाऱ्यांचा मूलभूत हक्क असून या प्रश्नाकडे शासन लोकप्रतिनिधी यांचे लक्ष वेधण्यासाठी ही जुनी पेन्शन संकल्प यात्रा 25 डिसेंबर ते 27 डिसेंबर 2022 या कालावधीत नागपूर येथील हिवाळी अधिवेशनात ही भव्य पेन्शन संकल्प यात्रा आयोजित केली आहे. ज्या बांधवांना पेन्शन नाकारली जात आहे अशा शिक्षकासह सर्व संवर्गातील कर्मचाऱ्यांनी या संकल्प यात्रेत सहभागी होण्याची गरज असल्याचे प्रतिपादित करून या पेन्शन संकल्प यात्रेला गोंडवाना विद्यापीठ टीचर्स असोसिएशन जाहीर पाठिंबा दिला आहे.
शिक्षकांच्या व इतर कर्मचाऱ्यांच्या न्यायोचित व मूलभूत हक्काच्या मागणीसाठी दोन्ही जिल्ह्यातील शिक्षक व प्राध्यापकांनी सदर भव्य पेन्शन संकल्प यात्रेमध्ये सहभागी होण्याचे आवाहन गोंडवाना विद्यापीठ टीचर्स असोसिएशन चे अध्यक्ष व सिनेट सदस्य प्रा.डॉ. संजय गोरे, सचिव व सिनेट सदस्य प्रा.डॉ. विवेक गोरलावार तथा संघटनेचे सर्व उपाध्यक्ष, सहसचिव,कोषाध्यक्ष व सर्व विभाग समन्वयकांनी केले आहे.
