लोकदर्शन 👉 मोहन भारती
गडचांदूर
महात्मा गांधी विद्यालय,गडचांदूर येथे शाळा व्यवस्थापन समिती ची सभा 1 ऑक्टोबर ला झाली, समितीचे उपाध्यक्ष श्री मोरेश्वर उरकुंडे यांच्या अध्यक्षतेखाली सभा घेण्यात आली.सभेला समितीच्या पदसिद्ध सचिव मुख्याध्यापिका सौ स्मिता चिताडे ,समितीचे स्थानिक स्वराज्य संस्था सदस्य श्री विक्रम येरणे, पर्यवेक्षक श्री अनिल काकडे,शिक्षक सदस्य श्री प्रशांत धाबेकर,पालक सदस्या सौ सोनपितरे,सौ मुन,सौ उरुकुडे तसेच अन्य पालक सदस्य उपस्थित होते.सभेमध्ये शासनाच्या दि.24/09/2021 च्या परीपत्रकानुसार दि.04/10/2021 पासून शाळा सुरू करण्यासंदर्भात चर्चा करण्यात आली सर्व सदस्यासमोर मुख्याध्यापिका सौ स्मिता चिताडे यांनी परपत्रकातील सूचना वाचून दाखविल्या व त्याप्रमाणे कार्यवाही व कोविड नियमांचे पालन करून शाळा सुरू करण्या संबंधीचा ठराव मांडला ,ठराव सर्व सदस्यांनी एकमताने पारित केला.सभेचे संचालन व आभार प्रदर्शन श्री प्रशांत धाबेकर यांनी केले.
