लोकदर्शन👉 मोहन भारती
कोरपना – स्वर्गीय प्राचार्य चंपतरावजी बुटे यांचे पुण्य स्मरणार्थ ज्येष्ठ नागरिक मंडळ काटोल द्वारा शैक्षणिक व सामाजिक क्षेत्रात प्रशंसनीय कार्य करणाऱ्या कोरपना येथील माजी प्राचार्य संजय ठावरी यांना सन्मान कर्तुत्वाचा पुरस्कार शिक्षक दिनाच्या औचित्यावर काटोल येथील ज्येष्ठ नागरिक विरंगुळा केंद्र येथे प्रदान केला जाणार आहे. हा सन्मान जाहीर झाल्याबद्दल माजी प्राचार्य ठावरी यांचे सर्व स्तरातून अभिनंदन व्यक्त होत आहे. हा सन्मान नागपूर, गोंदिया, भंडारा,वर्धा,यवतमाळ, गडचिरोली जिल्ह्यातील 19 सेवानिवृत्त कर्तृत्ववान शिक्षक,प्राध्यापक, प्राचार्य,शिक्षण क्षेत्रातील मान्यवर यांना दिला जाणार असून प्राचार्य संजय ठावरी यांची चंद्रपूर जिल्हयातून निवड झाली आहे.
