*लोकदर्शन 👉 मोहन भारती
*सोलापूर दिनांक :- ०२/०५/२०२२ :-* शिवसेना प्रणित महाराष्ट्र कामगार सेनेच्या वतीने १ मे हा जागतिक कामगार दिन व महाराष्ट्र दिनानिमित्त झेंडावंदन आणि विडी कामगारांना शिवबंधन कार्यक्रम करण्यात आला आहे.
१ मे या जागतिक कामगार दिन व महाराष्ट्र दिनानिमित्त कामगार सेना कार्यालय येथे सकाळी १० वाजता महाराष्ट्र कामगार सेनेचे प्रदेश सरचिटणीस विष्णु कारमपुरी (महाराज) यांच्या हस्ते हिंदुत्वाचा भगवा झेंडा फडकविण्यात आला. यावेळी कामगार बंधु – भगिनींनी महाराष्ट्र दिनाचा विजयी असो, छत्रपती शिवाजी महाराज की जय, कामगार दिन चिरायू हो – हो, जय भवानी – जय शिवाजी अशा घोषणा दिल्या. त्यानंतर कामगार बंधू – भगिनींना मिठाई वाटप करण्यात आले. त्यानंतर ११ वाजता माँ साहेब घरकुल वसाहत दक्षिण सोलापूर कुंभारी येथे हिंदुह्दयसम्राट स्व. बाळासाहेब ठाकरे व स्व. माँ साहेब मिनाताई ठाकरे यांच्या मुर्तीचे पुजन करून घरकुल वसाहतीतील सुमारे १२८० महिला कामगारांना शिवबंधन बांधण्यात आले.
यावेळी स्व. बाळासाहेब व स्व. मिनाताई ठाकरे यांच्या जयघोष व अमर रहे या घोषणा दिल्या यावेळी संस्थापक विष्णु कारमपुरी (महाराज) यांनी जागतिक कामगार दिन व महाराष्ट्र दिनाचे महत्व सांगितले.
सदर कार्यक्रमास विष्णु कारमुपरी (महाराज), विठ्ठल कुऱ्हाडकर, पप्पु शेख, नरेश अन्नलदास, प्रशांत जक्का, नागेश गाडपल्ली, संतोष गद्दे यांच्यासह विडी कामगार बंधु – भगिनी मोठ्या संख्येने उपस्थित होते. ➖➖➖➖➖➖➖➖➖➖ *फोटो मॅटर :- १ मे या जागतिक कामगार दिन व महाराष्ट्र दिनानिमित्त झेंडा वंदन व शिवबंधन करतांना विष्णु कारमपुरी (महाराज), दशरथ नंदाल, विठ्ठल कुऱ्हाडकर व कामगार बंधु – भगिनी दिसत आहेत.*
