लोकदर्शन 👉 मोहन भारती
राजुरा :– इन्फंट जीजस सोसायटी राजुरा द्वारा संचालित इन्फंट् जिजस इंग्लिश पब्लिक हायस्कूल येथे चार दिवसीय क्रीडा स्पर्धा उत्साहात पार पडल्या. या प्रसंगी विद्यार्थ्यांनी खेळ प्रतिज्ञा घेऊन संघ भावना कायम ठेवली. ध्वजारोहण करून मशाल पेटवून विविध क्रीडा स्पर्धांना सुरूवात करण्यात आली. यात शंभर मीटर रनिंग, चारशे मिटर रनिंग, व्हाॅलीबाल, थ्रोबाॅल, क्रिकेट, रस्साखेच यासह विविध क्रीडा प्रकार घेण्यात आले. मोठ्या संख्येने विद्यार्थ्यांनी सहभाग घेऊन अनेक विद्यार्थ्यांनी यशसंपादन केले.
विविध क्रीडा प्रकारात मिळालेल्या यशाबद्दल संस्थेचे अध्यक्ष आमदार सुभाष धोटे, सचिव माजी नगराध्यक्ष अरुण धोटे, संचालक अभिजित धोटे, मुख्याध्यापिका सिमरन कौर भंगू, मुख्याध्यापक रफिक अन्सारी, क्रीडा शिक्षक, यासह सर्व शिक्षक, शिक्षकेतर कर्मचारी, पालक वर्गाने यशस्वी विद्यार्थ्यांचे अभिनंदन केले आहे.
