लोकदर्शन बदलापूर.👉गुरुनाथ तिरपणकर
लेक लाडकी अभिमान महाराष्ट्र राज्य आयोजित भारत गौरव राष्ट्रप्रेरणा पुरस्कार वितरण सोहळा २०२४नुकताच मुंबई मराठी पत्रकार संघाच्या लोकमान्य सभागृहात मोठ्या उत्साहात संपन्न झाला.यावेळी सामाजिक क्षेत्रात कार्यरत असणा-या समाजसेविका आकांत नाटकाच्या लेखिका-दिग्दर्शिका,अभिनेत्री,पत्रकार तसेच प्रेरणा फाऊंडेशनच्या संस्थापिका-अध्यक्षा सौ.दिप्ती(प्रेरणा)गावकर-कुलकर्णी मुंबईच्या माजी महापौर किशोरीताई पेडणेकर यांच्या हस्ते भारत गौरव राष्ट्रप्रेरणा पुरस्कार२०२४ने सन्मानित करण्यात आले.दिप्ती(प्रेरणा)गावकर-कुलकर्णी यांनी प्रेरणा फाऊंडेशनच्या माध्यमातून गेली सहा वर्षे सांस्कृतिक,शैक्षणिक.सामाजिक,संगणकीय क्षेत्र,वैद्यकीय अशा विविध क्षेत्रात उत्कृष्ट कार्य कले आहे.कोरोना काळातही दिप्ती(प्रेरणा)गावकर यांनी विशेष अतुलनीय असे कार्य केले आहे.आताही प्रेरणा गावकर-कुलकर्णी या प्रेरणा फाऊंडेशनच्या सहाव्या वर्धापनदिनाचे औचित्य साधून वांगणी येथील स्पेशल चाईल्ड किनारा रेसिडेंशियल मतिमंद स्कुल साठी व साईशा योगेश परब या मतिमंद मुलीच्या उपचारासाठी प्रेरणा रंगमंच नाट्य मंडळ निर्मित”आकांत”या नाटकाचा शो आचार्य प्र.के.अत्रे नाट्यमंदीर येथे शनिवार दि.४मे रोजी सकाळी ११वाजता आयोजित केला आहे.नाट्य प्रयोगासाठी ९३७०८००८४२/८४५१९४८९९८या नंबरवर संपर्क साधावा,असे आवाहन प्रेरणा फाऊंडेशनचे सचिव वैभव कुलकर्णी यांनी केले आहे.प्रेरणा गावकर-कुलकर्णी या अशाच नेहमी समाजकार्यात कार्यरत असतात.त्यांना भारत गौरव राष्ट्रप्रेरणा पुरस्कार मिळाल्याबद्दल त्यांचे सर्वत्र कौतुक व अभिनंदन होत आहे.