🌟 राजुरा तालुक्यात इन्फंट जिजस ज्युनियर कॉलेजची यशस्वी घोडदौड; युवराज तुम्मेवार अव्वल 🌟

लोकदर्शन राजुरा 👉मोहन भारती

राजुरा (ता.प्र.) : इयत्ता बारावी परीक्षेचा नुकताच जाहीर झालेला निकाल इन्फंट जिजस ज्युनियर कॉलेज, राजुरा साठी अत्यंत अभिमानास्पद ठरला आहे. महाविद्यालयाने यंदाही १०० टक्के निकालाची परंपरा कायम राखत उज्ज्वल यश संपादन केले आहे.

या निकालात युवराज सु. तुम्मेवार याने ९४.१७ टक्के गुण मिळवून राजुरा तालुक्यात प्रथम क्रमांक पटकावला आहे. तसेच महाविद्यालयीन स्तरावर हेमांगी सुनील पायपरे (८४.५०%) हिने द्वितीय, तर आरती शंकर पहानपटे (८४.१७%) हिने तृतीय क्रमांक मिळवला.

याशिवाय ओम किरण लांडे (८२.१७%) चौथा, तर निशांत निलकंठ गोहणे (८०.३३%) पाचवा क्रमांक मिळवत महाविद्यालयाचे नाव उज्ज्वल केले आहे.

यावर्षी एकूण ३२ विद्यार्थी परीक्षेला बसले होते. त्यापैकी ७ विद्यार्थी प्राविण्य श्रेणीत, १६ विद्यार्थी प्रथम श्रेणीत आणि ९ विद्यार्थी द्वितीय श्रेणीत उत्तीर्ण झाले असून सर्व विद्यार्थ्यांनी यशस्वी कामगिरी नोंदवली आहे.

विद्यार्थ्यांच्या या उल्लेखनीय यशाबद्दल संस्थेचे संस्थापक तथा माजी आमदार सुभाषभाऊ धोटे, सचिव तथा नगराध्यक्ष अरुणभाऊ धोटे, संस्थेचे अध्यक्ष अभिजीत धोटे, प्राचार्य, प्राध्यापकवृंद आणि पालकवर्ग यांनी विद्यार्थ्यांचे अभिनंदन करत त्यांच्या पुढील शैक्षणिक वाटचालीसाठी शुभेच्छा दिल्या आहेत.