🟦 “भीमज्योतीने उजळला प्रभाग – 135 व्या जयंतीनिमित्त अभिमानाने मानवंदना” 🟦

लोकदर्शन गडचांदूर 👉 मोहन भारती

गडचांदूर : प्रभाग क्र. 9 येथील मुक्तीधाम परिसरात डॉ. बाबासाहेब आंबेडकर यांच्या 135 व्या जयंतीनिमित्त डॉ. बाबासाहेब आंबेडकर समाज सुधारक मंडळाच्या वतीने अत्यंत उत्साहात कार्यक्रम आयोजित करण्यात आला.

कार्यक्रमाची सुरुवात बाबासाहेबांच्या प्रतिमेस मानवंदना देऊन करण्यात आली. त्यानंतर पंचशील ध्वज फडकावून उपस्थितांनी एकजुटीचा व समतेचा संदेश दिला. संपूर्ण परिसर भीममय घोषणांनी दुमदुमून गेला होता.

कार्यक्रमादरम्यान आयु. चंद्रकांत मामा वाठोरे यांच्या हस्ते उपस्थित नागरिकांना मसाला भात व कढीचे वाटप करण्यात आले. या उपक्रमातून सामाजिक बांधिलकी व बंधुभाव अधिक दृढ झाल्याचे दिसून आले.

या कार्यक्रमाला गडचांदूर येथील भाजपाचे धडाडीचे नगरसेवक व नगरपरिषदेतील गटनेते सतीश भाऊ बेतावार यांची प्रमुख उपस्थिती होती. त्यांच्या कार्यामुळे त्यांनी परिसरात विशेष ओळख निर्माण केली असून, त्यांनी बाबासाहेबांच्या विचारांचे महत्त्व अधोरेखित केले.

तसेच प्रा. हेमचंद दूध गवळी, रवी ताकसांडे, प्रेम वानखेडे, महेश ससाने, पंकज गावंडे, विलास भडके, गणेश नरवडे, चंद्रकांत वाठोरे, केवलराम बनसोड, रवी मुनेश्वर, अशोक शिकारे, सोनू भडके आदींसह प्रभागातील आयुष्यमान व आयुष्यमती मोठ्या संख्येने उपस्थित होते.

संपूर्ण कार्यक्रमात बाबासाहेबांच्या विचारांचे स्मरण करत समाज प्रबोधनाचा संदेश देण्यात आला.