🟦 “जय भीमच्या घोषणांनी दुमदुमला प्रभाग – 135 व्या जयंतीनिमित्त भीममय अभिवादन” 🟦

लोकदर्शन गडचांदूर 👉 मोहन भारती

गडचांदूर : प्रभाग क्र. 9 येथील मुक्तीधाम परिसरात डॉ. बाबासाहेब आंबेडकर यांच्या 135 व्या जयंतीनिमित्त डॉ. बाबासाहेब आंबेडकर समाज सुधारक मंडळाच्या वतीने उत्साहपूर्ण कार्यक्रमाचे आयोजन करण्यात आले.

कार्यक्रमाची सुरुवात बाबासाहेबांच्या प्रतिमेस पुष्पहार अर्पण करून मानवंदना देण्यात आली. त्यानंतर पंचशील ध्वज फडकावून उपस्थितांनी समता, बंधुता आणि न्यायाचा संदेश दिला. संपूर्ण परिसर “जय भीम”च्या घोषणांनी दुमदुमून गेला होता.

कार्यक्रमादरम्यान आयु. चंद्रकांत मामा वाठोरे यांच्या हस्ते उपस्थित नागरिकांना मसाला भात व कढीचे वितरण करण्यात आले. या उपक्रमातून सामाजिक एकात्मता व बंधुभाव अधिक दृढ झाल्याचे दिसून आले.

या प्रसंगी नगरपरिषदेचे सदस्य सतीश भाऊ बेतावार, सुरज पांडे, सपना सेलोकर, कीर्तिताई वैरागडे, महिला जिल्हा महामंत्री विजया लक्ष्मीबाई दोहे, भाजप शहर अध्यक्ष अरुण भाऊ डोहे तसेच महिला महामंत्री व नगरसेविका शीतल ताई धोटे यांनी उपस्थित राहून कार्यक्रमात उत्स्फूर्त सहभाग नोंदविला.

तसेच प्रभागातील अनेक भीमप्रेमी व नागरिक मोठ्या संख्येने उपस्थित होते. कार्यक्रमादरम्यान बाबासाहेबांच्या विचारांचे स्मरण करून समाज प्रबोधनाचा संदेश देण्यात आला.