भटक्या विमुक्तांचा- गोपाल(भरवाड) समाजातील त्या 72 मुलांना शाळेत प्रवेश कधी मिळणार?

लोकदर्शन 👉 महेश गिरी ( नागपुर)

🔶*भटके-विमुक्त हक्क परीषदेची त तात्काळ प्रवेश देण्याची मागणी अन्यथा आंदोलन करु अशी सुचना*
*कालडोंगरी बेडयातील मुले देताहेत लढा शाळांचा मात्र प्रवेशास नकार*

नागपूर/कामठी– गोपाल (भरवाड) समाजाचे महाराष्ट्र अध्यक्ष श्री रामा जोगराणा यांनी भटके-विमुक्त हक्क परीषद चे विदर्भ विभाग अध्यक्ष श्री महेश गिरी सर यांना कालडोंगरी येथील भटक्या -विमुक्त समाजाचा गोपाल समाजातील आमच्या ह्या कुटुंबातील एकुण अंदाजे 72 मुलांना तेथील स्थानीक जि.प.शाळा प्रवेश देत नाहीत कारण काय तर ते भटके आहेत असे असुनही पालक व विद्यार्थी हे शिक्षण घेण्यासाठी व आपल्या मुलभुत अधिकारासाठी या ना दारी फिरत आहे असे सांगितले असे समझताच भटके-विमुक्त हक्क परीषद चे पदाधिकारी व श्री रामा जोगराणा हे कालडोंगरी येथील त्यांचा वस्ती ला भेट दिली तेथे खरी वास्तवता दिसली मुले शाळेत जाण्यास व शिक्षण घेण्यास आतुरतेने वाट पाहत आहेत व पालकांसोबतचा चचॅत असे समजले की आम्ही शिकलो नसलो तरी आमची पुढील पिढी शिकायला हवी यासाठी आम्ही ही धडपड करतोय पण स्थानीक जिल्हा परीषद शाळा व संबंधित व्यवस्थापन समिती शाळेत प्रवेश घेण्यास सक्त मनाई करत आहेत

मग लगेचच चचाॅ करुन व खरी वास्तवीक परीस्थिती पाहून भटके-विमुक्त हक्क परीषद चे पदाधिकारी व श्री जोगराणा व संबंधित पालक थेट जिल्हाधिकारी कार्यालय येथे पोहोचली व जिल्हाधिकारी व मुख्य कार्यकारी अधिकारी(सी.ई.ओ.) नागपूर यांना संबंधित बाबीची माहिती दिली व याविषयावर तात्काळ कार्यवाही करुन त्या भटके-विमुक्तांचा मुलांना शाळेत प्रवेश दिला पाहिजे अन्यथा जिल्हाधिकारी कार्यालय समोर आंदोलन सुरू करु अशी धमकी वजा विनंती केली नंतर सी.ई.ओ.साहेब यांनी त्वरीत शिक्षणाधिकारी प्राथमिक यांना फोन केला व त्वरीत कार्यवाही करण्यास सांगितले तेव्हाच शिक्षणाधिकारी प्राथमिक श्री चिंतामण वंजारी साहेब यांनी भटके-विमुक्तांचा गोपाल समाजाचा त्या वस्तीत त्वरीत भेट दिली व येत्या दिवसात त्यांना शाळेत प्रवेश दिला जाईल किंवा पयाय म्हणुन वस्तीशाळा सुरु करु अशी ग्वाही दिली

तात्काळ कार्यवाही केल्याबद्दल भटके-विमुक्त हक्क परीषद चे विदर्भ विभाग अध्यक्ष श्री महेश गिरी सर यांनी त्यांचे आभार मानले प्रसंगी उपस्थित श्री प्रदिपजी पुरी(सचिव नागपूर – भ.वि.हक्क परीषद) ,श्री रामा जोगराणा, श्री वेला आमरा साठिया, श्री रणोगगंदा साठीया, श्री रामामीठा साठीया, समस्त पालक व विद्यार्थी तसेच गोपाल समाज महिला उपस्थित होते