📰 ‘अंत्योदय’ विचारातून समाजसेवा; योजना घराघरांत पोहोचवा – आमदार देवराव भोंगळे

लोकदर्शन गडचांदूर 👉मोहन भारती

गडचांदूर : दि. १०एप्रिल 2026
Bharatiya Janata Party हा सामान्य नागरिकांच्या कल्याणासाठी कार्य करणारा पक्ष असून पंडित दीनदयाल उपाध्याय यांच्या ‘अंत्योदय’ विचारधारेवर पक्षाची वाटचाल आधारित आहे. त्यामुळे प्रत्येक कार्यकर्त्याने हा वैचारिक वारसा आत्मसात करून केंद्र व राज्य शासनाच्या लोकाभिमुख योजनांची माहिती जनतेच्या घराघरांत पोहोचवावी, असे आवाहन आमदार Deorao Bhongle यांनी केले.

गडचांदूर येथील बालाजी सेलिब्रेशन हॉल येथे आयोजित पंडित दीनदयाल उपाध्याय प्रशिक्षण महाअभियानांतर्गत दोन दिवसीय निवासी कार्यशाळेच्या समारोपप्रसंगी ते बोलत होते.

यावेळी बोलताना त्यांनी सांगितले की, देशाचे पंतप्रधान Narendra Modi आणि राज्याचे मुख्यमंत्री Devendra Fadnavis यांच्या नेतृत्वाखाली देश व राज्य प्रगतीच्या दिशेने वाटचाल करत आहे. शासनाच्या विविध लोककल्याणकारी योजनांचा लाभ समाजातील शेवटच्या घटकापर्यंत पोहोचवणे हीच पक्षाची प्राथमिकता असल्याचे त्यांनी नमूद केले.

पक्ष संघटन अधिक बळकट करण्यासाठी तसेच योजनांची माहिती तळागाळापर्यंत पोहोचवण्यासाठी अशा प्रशिक्षण कार्यशाळा अत्यंत उपयुक्त ठरत असल्याचेही त्यांनी अधोरेखित केले.

या कार्यशाळेला तालुकाध्यक्ष संजय मुसळे, एसआयआर अभियान प्रमुख सतीश उपलेंचवार, शहराध्यक्ष अरुण डोहे यांच्यासह अनेक पदाधिकारी, नगरसेवक आणि कार्यकर्ते मोठ्या संख्येने उपस्थित होते.