लोकदर्शन 👉 मोहन भारती
दिनांक ९ एप्रिल रोजी आयोजित करण्यात आलेल्या प्रशिक्षण शिबिराची सुरुवात जिल्हा महामंत्री यांनी मार्गदर्शनपर उद्घाटनातून झाली. त्यांनी या शिबिराच्या आयोजनामागील उद्देश स्पष्ट करत कार्यकर्त्यांना संघटन मजबूत करण्याचे महत्त्व पटवून दिले.
यानंतर शिबिरातील सर्व सत्रे यशस्वीपणे व मोठ्या उत्साहात पार पडली. कार्यक्रमाचे उद्घाटन भाजपा ग्रामीण अध्यक्ष हरीश शर्माजी, गांधीजी तसेच आमदार यांच्या उपस्थितीत संपन्न झाले.
या कार्यक्रमाच्या यशस्वीतेसाठी तालुका महासचिव सतीश स्वप्निल वार, जिल्हा महामंत्री विजयलक्ष्मी अरुण दोहे, सतीश वेताळ, शीतल धोटे, सपना सेलोकर, किर्ती गडे, सूरज पांडे, माजी सरपंच राहुलभाऊ, युवा मोर्चा अध्यक्ष इत्यादी उरकुडे, महेश खरोटे, हरिभाऊ घोरे आदींनी मोलाचे सहकार्य करत अतोनात मेहनत घेतली.
दिवसभर विविध विषयांवर मार्गदर्शनपर सत्रे आयोजित करण्यात आली होती, ज्यामध्ये कार्यपद्धती, वैचारिक अधिष्ठान तसेच पक्षाचा इतिहास व विकास यांवर सविस्तर चर्चा करण्यात आली. कार्यकर्त्यांनी या सत्रांना उत्स्फूर्त प्रतिसाद दिला.
संध्याकाळी भोजनानंतर सहभागींसाठी मनोरंजनाचा कार्यक्रमही आयोजित करण्यात आला, ज्यामुळे वातावरण अधिक उत्साही व आनंददायी झाले.
तसेच, कार्यक्रमादरम्यान पक्षाचे ज्येष्ठ नेते श्री शिवाजी सेलोकर यांचा विशेष सन्मान करण्यात आला.
एकूणच, हा कार्यक्रम अत्यंत यशस्वीपणे पार पडून सहभागी कार्यकर्त्यांमध्ये नवचैतन्य निर्माण झाले.
