💪 नियमित व्यायाम आणि संतुलित आहार हाच उत्तम आरोग्याचा मंत्र – डॉ. वैशाली कतवारे

लोकदर्शन 👉मोहन भारती

गडचांदूर : उत्तम आरोग्य राखण्यासाठी नियमित व्यायाम आणि संतुलित आहार अत्यावश्यक असल्याचे प्रतिपादन डॉ. वैशाली कतवारे यांनी व्यक्तिमत्व विकास शिबिरात केले. त्या “महिलांचे आरोग्य व समस्या” या विषयावर प्रमुख वक्त्या म्हणून बोलत होत्या.

Gondwana University यांच्या समन्वयाने आणि Sharadrao Pawar Arts and Commerce College येथील विद्यार्थी विकास विभागाच्या वतीने महाविद्यालयात तीन दिवसीय व्यक्तिमत्व विकास शिबिराचे आयोजन करण्यात आले होते. कार्यक्रमाच्या अध्यक्षस्थानी महाविद्यालयाचे प्राचार्य डॉ. संजयकुमार सिंह होते.

यावेळी प्रा. डॉ. अनिस खान आणि डॉ. स्नेहल ढोके यांनी विविध विषयांवर विद्यार्थ्यांना मोलाचे मार्गदर्शन केले. त्यांनी व्यक्तिमत्व विकासासाठी संवादकौशल्य, सकारात्मक विचारसरणी आणि आरोग्यदायी जीवनशैलीचे महत्त्व अधोरेखित केले.

कार्यक्रमाचे सूत्रसंचालन विद्यार्थी विकास कार्यक्रम अधिकारी प्रा. डॉ. राजेश गायधनी यांनी केले. प्राचार्य डॉ. संजयकुमार सिंह यांच्या मार्गदर्शनाखाली पार पडलेल्या या शिबिराला विद्यार्थी विकास विभागातील बहुसंख्य विद्यार्थ्यांची उपस्थिती लाभली.

या उपक्रमाच्या यशस्वी आयोजनासाठी महाविद्यालयातील सर्व प्राध्यापक, शिक्षकेतर कर्मचारी आणि विद्यार्थ्यांनी विशेष परिश्रम घेतले.