📰 कोरपणा येथे भाजपचे ग्रामीण मंडळ प्रशिक्षण वर्ग संपन्न होणार

लोकदर्शन गडचांदूर 👉मोहन भारती

राजुरा विधानसभा क्षेत्रातील कोरपणा येथे भारतीय जनता पार्टीतर्फे पंडित दीनदयाळ उपाध्याय प्रशिक्षण महाभियान अंतर्गत ग्रामीण मंडळ स्तरीय प्रशिक्षण वर्गाचे आयोजन करण्यात आले आहे. हा दोन दिवसीय प्रशिक्षण वर्ग ११ व १२ एप्रिल २०२६ रोजी चालणार आहे.

या प्रशिक्षण कार्यक्रमाचे आयोजन चालमाजी लॉन, गडचांदूर (ता. कोरपणा, जि. चंद्रपूर) येथे करण्यात आले आहे. कार्यक्रमामध्ये विविध सत्रांद्वारे पक्षाची कार्यपद्धती, वैचारिक अधिष्ठान, भाजपचा इतिहास व विकास, तसेच केंद्र व राज्य सरकारच्या योजनांची माहिती दिली जाणार आहे.

प्रशिक्षणात अनेक मान्यवरांचे मार्गदर्शन लाभणार असून श्री. संकेत भानारकर, श्री. संजय गजभिये, श्री. हरीश शर्मा, श्री. तनय देऊळकर तसेच आमदार देवरा भोंगळे यांचा सहभाग राहणार आहे.

दोन दिवसांच्या या कार्यक्रमात सकाळपासून सायंकाळपर्यंत विविध सत्रे, चर्चा, शाखा, तसेच कार्यकर्त्यांसाठी भोजन व मनोरंजनाची व्यवस्था करण्यात आली आहे.

या प्रशिक्षण वर्गामुळे कार्यकर्त्यांना पक्षाच्या विचारधारेची अधिक सखोल माहिती मिळून संघटन मजबूत होण्यास मदत होणार असल्याचे आयोजकांनी सांगितले.