📰 गडचांदूर येथे भाजपचा दोन दिवसीय प्रशिक्षण वर्ग; कार्यकर्त्यांना संघटन व तंत्रज्ञानाचे धडे

लोकदर्शन 👉मोहन भारती

गडचांदूर (प्रतिनिधी) : भारतीय जनता पक्षाच्या वतीने पंडित दीनदयाळ उपाध्याय प्रशिक्षण महाअभियान २०२६ अंतर्गत गडचांदूर शहर मंडळस्तरीय दोन दिवसीय प्रशिक्षण वर्गाचे आयोजन ९ व १० एप्रिल रोजी बालाजी सेलिब्रेशन हॉल येथे करण्यात आले आहे.

या प्रशिक्षण वर्गामध्ये पक्षाच्या कार्यकर्त्यांना संघटनात्मक कौशल्य, पक्षाची विचारधारा तसेच आधुनिक तंत्रज्ञानाचा प्रभावी वापर याबाबत मार्गदर्शन केले जाणार आहे. पहिल्या दिवशी उद्घाटन सत्रासह कार्यपद्धती आणि वैचारिक अधिष्ठान यावर सखोल चर्चा होणार असून, सोशल मीडिया व विविध अ‍ॅप्सच्या वापराबाबतही माहिती दिली जाणार आहे.

दुसऱ्या दिवशी बुथ व्यवस्थापन, कार्य विस्तार आणि विविध शासकीय योजनांबाबत मार्गदर्शन करण्यात येणार आहे. या प्रशिक्षण वर्गात मोठ्या संख्येने कार्यकर्त्यांचा सहभाग अपेक्षित असून कार्यक्रम यशस्वी करण्यासाठी स्थानिक पदाधिकारी व कार्यकर्ते जोमाने तयारी करत आहेत.