लोकदर्शन घुग्गुस 👉मोहन भारती
घुग्गुस (जि. चंद्रपूर) — आमदार देवराव भोंगले यांच्या कार्यालयातर्फे आयोजित कॉर्नर सभेत (दि. 18) घुग्गुस नगरपरिषद निवडणुकीच्या पार्श्वभूमीवर भाजपा नगराध्यक्ष पदाच्या उमेदवार सौ. शारदा दुर्गम व विविध प्रभागातील नगरसेवक उमेदवारांसाठी प्रचारार्थ मोठ्या संख्येने नागरिकांशी संवाद साधण्यात आला. सायंकाळी 7 वाजता सुरू झालेल्या सभेत स्थानिक विकासाच्या गरजा आणि नागरिकांच्या तातडीच्या समस्यांवर भर देऊन चर्चा करण्यात आली.
सभेतील प्रमुख विषयांमध्ये रस्ते दुरुस्ती, वीजपुरवठा, आरोग्यसेवा आणि नवीन विकासकामांची आवश्यकता यांचा समावेश होता. भाग घेतलेल्या नागरिकांनी मुक्तपणे आपले प्रश्न आणि समस्या मांडल्या, तर आयोजकांनी स्थानिक समस्या योग्य त्या योजनेत समाविष्ट करण्याचे आश्वासन दिले. प्रभागनिहाय झालेल्या कॉर्नर सभांद्वारे घुग्गुस नगरपरिषद निवडणुकीबाबत स्थानिक सहभाग आणि उत्साह स्पष्टपणे दिसून आला.
यावेळी आमदार किशोरभाऊ जोरगेवार, पत्नी सौ. अर्चना, भाजपाचे जिल्हा महामंत्री विवेक बोढे, नगराध्यक्ष व नगरसेवक पदाचे उमेदवार तसेच शहरातील भाजप पदाधिकारी, कार्यकर्ते, युवक, महिला, शेतकरी, व्यापारी संघटना व मोठ्या संख्येने नागरिक उपस्थित होते. आयोजकांनी पुढील टप्प्यात नागरिकांच्या सूचनांवर आधारित अधिक भेटी‑मुलाखत व कामकाज ठरविण्याची जाहीर तयारी दर्शविली.
