🌏 भारताचे परराष्ट्र धोरण : ऐतिहासिक मार्ग व समकालीन आव्हाने या विषयावर श्री शिवाजी महाविद्यालय राजुरा येथे राष्ट्रीय परिषद 🌹

लोकदर्शन राजुरा 👉मोहन भारती

गोंडवाना विद्यापीठ, गडचिरोली, विदर्भ राज्यशास्त्र प्राध्यापक परिषद, श्री शिवाजी महाविद्यालय राजुरा व शरदराव पवार महाविद्यालय गडचांदूर यांच्या संयुक्त विद्यमाने दिनांक २२ नोव्हेंबर २०२५ रोजी “भारताचे परराष्ट्र धोरण : ऐतिहासिक मार्ग व समकालीन आव्हाने” या विषयावर आंतरविद्याशाखीय राष्ट्रीय परिषद आयोजित करण्यात आली आहे.

या परिषदेस उद्घाटक व बीजभाषक म्हणून परराष्ट्र धोरण विश्लेषक व महाराष्ट्र राज्याचे उच्च शिक्षण संचालक डॉ. शैलेंद्र देवळाणकर उपस्थित राहणार असून, गोंडवाना विद्यापीठाचे कुलगुरू डॉ. प्रशांत बोकारे अध्यक्षस्थानी असतील.

प्रमुख अतिथी म्हणून विद्यापीठाचे प्र-कुलगुरू डॉ. श्रीराम कावळे, नागपूर विभागाचे सहसंचालक डॉ. संतोष चव्हाण, कुलसचिव डॉ. अनिल हिरेखन, विदर्भ राज्यशास्त्र परिषदेच्या अध्यक्षा डॉ. अलका देशमुख, तसेच आदर्श शिक्षण प्रसारक मंडळाचे अध्यक्ष सुधाकर कुंदोजवार, सचिव अविनाश जाधव, सरस्वती शिक्षण प्रसारक मंडळाचे अध्यक्ष डॉ. आनंदराव अडबाले, आयोजक प्राचार्य डॉ. संभाजी वरकड आणि प्राचार्य संजयकुमार सिंह यांसह अनेक मान्यवर उपस्थित राहणार आहेत.

परिषदेच्या पहिल्या सत्राचा विषय “भारताचे परराष्ट्र धोरण: उद्दिष्टे व निर्धारक घटक” असा असून या सत्राचे अध्यक्ष एमआयटी विद्यापीठ पुणे येथील प्रो. डॉ. परिमल माया सुधाकर असतील. तज्ञ मार्गदर्शक म्हणून जेएनयु दिल्ली येथील श्री पंकज फणसे उपस्थित राहतील.

दुसऱ्या सत्राचा विषय “भारतीय परराष्ट्र धोरणातील बदलते कल” असा असून अध्यक्षस्थानी शासकीय महाविद्यालय उमरिया (म.प्र.) येथील डॉ. नियाज अहमद अन्सारी असतील. तज्ञ मार्गदर्शक म्हणून डॉ. प्रशांत विघे, डॉ. संदीप काळे, डॉ. संतोष डाखरे, डॉ. रीता दांडेकर, आणि डॉ. प्रशांत आर्वे सहभागी होणार आहेत.

या परिषदेचे संशोधन जर्नल प्रकाशित करण्यात येणार असून संपादक म्हणून डॉ. संदीप तुंडूरवार व प्रा. विजय पंधरे कार्यरत आहेत.

परिषदेचे दोन समांतर सत्रे आयोजित करण्यात आले असून संशोधक विद्यार्थ्यांना पेपर प्रेझेंटेशन सादर करण्याची संधी देण्यात आली आहे. या सत्रांचे अध्यक्ष डॉ. अमर बोंद्रे तर प्रमुख अतिथी डॉ. श्रीकांत शेंडे व डॉ. राजेंद्र झाडे असतील.

समारोपीय सत्राचे अध्यक्ष विदर्भ राज्यशास्त्र परिषदेचे सचिव डॉ. शरद सांबारे असतील. प्रमुख अतिथी म्हणून गोंडवाना विद्यापीठाच्या व्यवस्थापन परिषदेचे सदस्य श्री. स्वप्निल दंतुलवार, डॉ. लेमराज लडके, श्री. गुरुदासजी कामडी, डॉ. विवेक गोर्लावार, श्री. प्रशांत दंतुलवार, डॉ. नंदाजी सातपुते, डॉ. रतन राठोड, डॉ. राहुल वावगे, डॉ. रवी धारपवार, डॉ. विनोद गायकवाड, आणि डॉ. वकील शेख उपस्थित राहणार आहेत.

परिषदेचे संयोजक डॉ. संजय गोरे व डॉ. राजेंद्र मुद्दमवार असून, आयोजकांच्या वतीने सर्व संशोधक विद्यार्थी, प्राध्यापक व मान्यवरांना या राष्ट्रीय परिषदेत सहभागी होण्याचे आवाहन करण्यात आले आहे. 🌹