🔸 कोरपना येथे दीनदयाल उपाध्याय प्रशिक्षण वर्गाचे आयोजन; कार्यकर्त्यांना उपस्थित राहण्याचे आवाहन

लोकदर्शन कोरपना 👉मोहन भारती

कोरपना : भारतीय जनता पार्टीच्या वतीने पंडित दीनदयाल उपाध्याय प्रशिक्षण वर्गाचे आयोजन ११ व १२ एप्रिल (शनिवार-रविवार) रोजी बालाजी सेलिब्रेशन येथे करण्यात आले आहे. या दोन दिवसीय प्रशिक्षण वर्गात पक्षाच्या विचारसरणीचा प्रसार, संघटन बळकटीकरण आणि कार्यकर्त्यांचे कौशल्य विकास यावर मार्गदर्शन करण्यात येणार आहे.

या प्रशिक्षण वर्गाच्या उद्घाटन सत्रासाठी भाजपा जिल्हाध्यक्ष हरीश शर्मा, आमदार देवराव भोंगळे, जिल्हा महामंत्री विवेक बोढे, जिल्हा महामंत्री संजय गजपुरे यांची प्रमुख उपस्थिती राहणार आहे. तसेच अभियान प्रमुख साकेत भानारकर, सोशल मीडिया विषयावर तनिष देशकर, तर एसआयआर सत्रासाठी सतीश उपलेंचवार हे मार्गदर्शन करणार आहेत.

या प्रशिक्षण शिबिरात कोरपना तालुक्यातील सर्व ज्येष्ठ पदाधिकारी, शक्ती केंद्रप्रमुख, ‘मन की बात’ प्रमुख, बूथ प्रमुख, बीएलए-२ तसेच भाजपा विचारांवर प्रेम करणाऱ्या सर्व नागरिकांनी मोठ्या संख्येने उपस्थित राहावे, असे आवाहन करण्यात आले आहे.

तालुकाध्यक्ष संजय मुसळे, तालुका संघटन महामंत्री सतीश उपलेंचवार, तालुका महामंत्री पुरुषोत्तम भोंगळे, तालुका महामंत्री अरुण रागीट, युवा मोर्चा अध्यक्ष दिनेश खडसे, महिला आघाडी अध्यक्षा स्मिता चिताडे, ओबीसी आघाडी अध्यक्ष अशोक झाडे, शेतकरी आघाडी प्रमुख अविनाश वाभीटकर, दलित आघाडी अध्यक्ष धमकीर्ती कापसे, आदिवासी आघाडी प्रमुख मनोज तुमराम, अल्पसंख्यांक आघाडी अध्यक्ष मन्सूर शेख यांनी हे आवाहन केले आहे.