🧘‍♂️ योगाभ्यासातून आरोग्याचा संदेश; गडचांदूरमध्ये कार्यकर्त्यांचा उत्साही सहभाग

लोकदर्शन गडचांदूर 👉मोहन भारती

गडचांदूर : भाजपा गडचांदूर शहर मंडळाच्या वतीने बालाजी सेलेब्रेशन हॉल येथे आयोजित दोन दिवसीय पंडित दीनदयाल उपाध्याय प्रशिक्षण महाअभियान कार्यशाळेला कालपासून उत्साहात सुरुवात झाली आहे.

कार्यशाळेच्या दुसऱ्या दिवसाची सुरुवात ऊर्जावान वातावरणात झाली. सकाळी उपस्थित सर्व कार्यकर्त्यांनी सामूहिक योगाभ्यास व प्राणायाम सत्रात सहभाग घेतला. या उपक्रमामुळे कार्यकर्त्यांमध्ये सकारात्मक ऊर्जा आणि उत्साहाचे वातावरण निर्माण झाले.

यावेळी नियमित योगासनांचे महत्त्व अधोरेखित करताना सांगण्यात आले की, योगाभ्यासामुळे शरीर आणि मन दोन्ही निरोगी राहते. सामाजिक कार्यात सातत्याने सक्रिय राहण्यासाठी शारीरिक तसेच मानसिक तंदुरुस्ती अत्यंत आवश्यक आहे. त्यामुळे प्रत्येकाने दैनंदिन जीवनात योगाचा समावेश करावा, असे आवाहन करण्यात आले.

या उपक्रमामुळे कार्यकर्त्यांमध्ये आरोग्याविषयी जागरूकता वाढण्यास मदत होत असून कार्यशाळेचे वातावरण अधिक प्रेरणादायी बनले आहे.