🌟 “रिता इंडिया फाउंडेशनतर्फे बालदिनाचा उत्सव: खेळ, आनंद आणि सामाजिक बांधिलकीचा सुंदर मेळ”

लोकदर्शन पुणे l प्रतिनिधी👉राहुल खरात

बालदिनाचे औचित्य साधत रिता इंडिया फाउंडेशनतर्फे “खुशियो के पल, बच्चो के संग” हा विशेष उपक्रम तळजाई पठारावरील तळजाई वसाहत येथे आनंदमय वातावरणात साजरा करण्यात आला.

या कार्यक्रमात रिता इंडिया फाउंडेशनच्या अध्यक्षा डॉ. रिता शेटीया, मयुरी महाकालकर आणि सारिका यादव यांनी उपस्थित मुलांसोबत विविध खेळ व सर्जनशील उपक्रम राबवून मुलांमधील कौशल्यांची उजळणी केली. सर्व मुलांना बिस्किट्स, चॉकलेट्स व शालेय साहित्याचे किट काशिनाथ माझीरे, संस्थेच्या विश्वस्त आणि संस्थापिका एच.सी. डॉ. सविता शेटीया यांच्या हस्ते वाटप करण्यात आले.

मुलांनी उत्साहाने प्रत्येक खेळात सहभाग घेत आनंद द्विगुणित केला.

रिता इंडिया फाउंडेशन मुलींचे सक्षमीकरण, महिलांसाठी सहाय्य, युवकांना प्रोत्साहन तसेच वैद्यकीय आपत्कालीन निधी उभारणीसाठी सातत्याने कार्यरत आहे. कोवीड काळात तृतीयपंथीय, दिव्यांग व गरजू कुटुंबांना सुमारे 1500 अन्नधान्य किटचे वितरण करण्यात आल्याची माहिती डॉ. रिता शेटीया यांनी दिली. सामाजिक कार्यात नागरिकांनीही सक्रिय सहभाग घ्यावा, असे आवाहन त्यांनी यावेळी केले.

या कार्यक्रमासाठी शोभा सतीश कांकरिया, R.O.H.I.T सार्वजनिक ट्रस्ट वसईचे संस्थापक श्री. मंगेश वाघमारे, हौसिंग पॉइंट व्यवस्थापन पालघरचे संस्थापक श्री. रोहित शुक्ला, निवेदिता माझीरे, सुप्रिया सातवेकर, उद्धव चव्हाण, संतोष गेडाम, अनुजा गाडगे, मर्सी नुअमनीलम, कमलेश पोखर्णा, सारिका यादव आणि सुहासिनी ताई बिवलकर यांचे आर्थिक व सक्रिय सहकार्य लाभले.

कार्यक्रम यशस्वी करण्यासाठी निवेदिता माझिरे, मयुरी महाकालकर, मर्सी नुअमनीलम, सारिका यादव तसेच श्री माझीरे, गुरू माझीरे आणि शर्विल यादव या लहानग्यांनी मोलाची मदत केली. या उपक्रमाचे मीडिया पार्टनर म्हणून दैनिक लोकशाही आणि दैनिक ईगल न्यूज यांनी काम पाहिले.

कार्यक्रमात सहभागी वरद इंगवले म्हणाला,
“येथील खेळ आणि त्यातून मिळालेली शिकवण आमच्या लक्षात कायम राहील.”

तर अश्विनी राठोड म्हणाली,
“शालेय साहित्याचे किट आम्हाला फार उपयोगी आहे. असे कार्यक्रम पुन्हा व्हावेत.”

सहभागी कार्यकर्त्या सारिका यादव यांनी फाउंडेशनच्या या सामाजिक उपक्रमाचे कौतुक करत आगामी उपक्रमात सहभागी होण्याची इच्छा व्यक्त केली.