🌟 गोरान ग्रॉसकोफ फॅमिली क्लिनिकतर्फे १२५३ बालकांना पोलिओ लस – आरोग्य संरक्षणासाठी उपक्रम यशस्वी!

लोकदर्शन पुणे 👉राहुल खरात

एफ.पी.ए.आय.च्या गोरान ग्रॉसकोफ फॅमिली क्लिनिकतर्फे दिनांक १२ ऑक्टोबर रोजी उपराष्ट्रीय पोलिओ लसीकरण मोहिमेअंतर्गत विशेष लसीकरण कार्यक्रम राबविण्यात आला.

या मोहिमेदरम्यान केळेवाडी, वारजे, चांदणी चौक, पाषाण, सुतारवाडी, सोमेश्वरवाडी, बालेवाडी तसेच फिरता दवाखाना या केंद्रांमधून ५ वर्षांखालील एकूण १२५३ बालकांना पोलिओ प्रतिबंधक डोसेस देण्यात आले.

दरवर्षीप्रमाणे यंदाही गोरान ग्रॉसकोफ फॅमिली क्लिनिकने पोलिओमुक्त भारताचे स्वप्न साकार करण्यासाठी योगदान दिले आहे. मुलांना पोलिओसारख्या गंभीर आजारापासून संरक्षण मिळावे, हा उपक्रमाचा मुख्य हेतू होता.

या मोहिमेत पुणे महानगरपालिकेच्या विविध विभागांतील हॉस्पिटल्सनी लसींचा पुरवठा करून सहकार्य केले.
कार्यक्रम यशस्वी होण्यासाठी मेहनत घेणाऱ्या संपूर्ण जी.जी.एफ.सी. टीमचे आणि प्रत्यक्ष-अप्रत्यक्षपणे योगदान देणाऱ्या सर्वांचे मनःपूर्वक आभार मानण्यात आले.