🚨 गडचांदूरात महाविकास आघाडीचा एल्गार! जनसुरक्षा विधेयकाच्या निषेधार्थ धरणे आंदोलन

लोकदर्शन गडचांदूर 👉अशोककुमार भगत

गडचांदूर :– महाराष्ट्र शासनाने प्रस्तावित केलेले “महाराष्ट्र जनसुरक्षा विधेयक २०२४” हे अन्यायकारक, लोकशाहीविरोधी आणि नागरी हक्कांवर गदा आणणारे असल्याचा आरोप करत महाविकास आघाडीच्या कार्यकर्त्यांनी गडचांदूरात तीव्र संताप व्यक्त केला.

शिवाजी चौकातील छत्रपती शिवाजी महाराजांच्या पुतळ्यासमोर काँग्रेस, राष्ट्रवादी काँग्रेस (शरदचंद्र पवार गट) आणि शिवसेना (उद्धव बाळासाहेब ठाकरे गट) यांच्यावतीने भव्य धरणे आंदोलन छेडण्यात आले.

या आंदोलनात वक्त्यांनी हल्लाबोल करताना सांगितले की, या विधेयकामुळे नागरिकांच्या अभिव्यक्ती स्वातंत्र्यावर गदा येईल, वैयक्तिक गोपनीयतेला धोका निर्माण होईल आणि संविधानिक हक्क धोक्यात येतील. लोकशाहीच्या मूल्यांना धरून हे विधेयक नसल्याने ते तत्काळ रद्द करावे, अशी ठाम मागणी त्यांनी केली.

या वेळी राष्ट्रवादी काँग्रेसचे अरुण निमजे, काँग्रेसचे ज्येष्ठ नेते विजयराव बावणे, तालुका अध्यक्ष उत्तम पेचे, शिवसेना तालुका प्रमुख सागर ठाकूरवार, काँग्रेसचे शहर अध्यक्ष संतोष महाडोळे, महिला शहर अध्यक्ष किरण एकरे, महिला तालुका अध्यक्ष आशा खासरे, न.प. माजी उपाध्यक्ष सचिन भोयर, शैलेश लोखंडे, अभय मुनोत, सुनील झाडे, संजय एकरे, प्रदीप गुडडेलीवार, राहुल उमरे, भाऊराव चव्हाण, धनंजय गोरे, राहुल मालेकर, मयूर एकरे, युवक काँग्रेसचे महादेव हेपट, विवेक येरणे, अक्षय गोरे, अहमद शेख, अनिल गोंडे, रितेश ताडे, हारून सिद्दिकी, आकाश वराटे, आशिष वांढरे, पुरुषोत्तम मेश्राम, देविदास मुन, प्रणित निवलकर, इंदर कश्यप, शरीफभाई, कोवन कातकर, प्रणय पानघाटे, सूरज गोंडे यांच्यासह महाविकास आघाडीचे असंख्य कार्यकर्ते मोठ्या संख्येने उपस्थित होते.