🌟 आदर्श हिंदी प्राथमिक विद्यामंदिर गडचांदूरमध्ये सलग दुसऱ्यांदा नैना निषाद मुख्यमंत्री! 🌟

लोकदर्शन👉 मोहन भारती
गडचांदूर:
आदर्श हिंदी प्राथमिक विद्यामंदिर, गडचांदूर येथे शैक्षणिक वर्ष 2025–26 साठी पार पडलेल्या शालेय मुख्यमंत्रिपदाच्या निवडणुकीत नैना रमेशचंद्र निषाद हिने आपल्या नेतृत्वगुणांची पुन्हा एकदा छाप पाडत सलग दुसऱ्या वर्षी मुख्यमंत्रीपदावर विजय मिळवला.

सत्राच्या प्रारंभीच 2 जुलै रोजी निवडणुकीची अधिसूचना जाहीर करण्यात आली होती. 10 जुलैला उमेदवारांचे अर्ज स्वीकारण्यात आले आणि 11 जुलैला निवडणूक चिन्हांचे वाटप करण्यात आले. प्रचारासाठी तब्बल 20 दिवसांचा कालावधी देण्यात आला होता, ज्यात विद्यार्थ्यांनी जोमदार सहभाग नोंदवला.

मुख्यमंत्री पदासाठी एकूण पाच उमेदवारांनी निवडणुकीत भाग घेतला:

🔹 नैना रमेशचंद्र निषाद
🔹 कशिश केवट
🔹 अबुजर शेख
🔹 चित्रलेखा निषाद
🔹 अनुज केवट

1 ऑगस्ट रोजी मतदान पार पडले, ज्यात एकूण 105 मतदारांनी आपला हक्क बजावला. 2 ऑगस्ट रोजी मतमोजणी पाच फेऱ्यांत पार पडली. अंतिम निकाल पुढीलप्रमाणे होता:

उमेदवार मिळालेली मते

नैना रमेशचंद्र निषाद 36
कशिश केवट 29
अबुजर शेख 23
चित्रलेखा निषाद 10
अनुज केवट 6
नोट
निषाद हिने 36 मतांची आघाडी घेत मुख्यमंत्रीपदावर पुन्हा एकदा विजयश्री खेचून आणली.

विद्यालयाच्या मुख्याध्यापिका डॉ. मंजुषा मते मॅडम यांनी तिचे अभिनंदन करत नेतृत्वगुण, संयम आणि आत्मविश्वासाचे कौतुक केले. निवडणूक पार पाडण्यासाठी शाळेतील सर्व शिक्षक व शिक्षकेतर कर्मचारी यांनी परिश्रम घेतले.

🗳️ लोकशाही मूल्यांची शाळेपासूनच पेरणी:

ही निवडणूक विद्यार्थ्यांमध्ये लोकशाही मूल्यांची जाण, नेतृत्वगुणांचे विकास आणि उत्तरदायित्वाचे भान निर्माण करणारी एक प्रेरणादायी प्रक्रिया ठरली आह