🌿 गोंडवाना विद्यापीठात क्रांतिवीर बिरसा मुंडा अध्यासन केंद्राचे भव्य उद्घाटन ♦️“बिरसा मुंडांचा वारसा नव्या पिढीने दृढ केला पाहिजे” — डॉ. संदीप तुंडूरवार

लोकदर्शन गडचिरोली👉मोहन भारती

राजुरा (प्रतिनिधी) — गोंडवाना विद्यापीठ, गडचिरोली येथे क्रांतिवीर बिरसा मुंडा अध्यासन केंद्राचे भव्य व उत्साहपूर्ण उद्घाटन पार पडले. उद्घाटन प्रसंगी बोलताना बिंझाणी नगर महाविद्यालय, नागपूरचे उपप्राचार्य डॉ. संदीप तुंडूरवार यांनी म्हटले की, “बिरसा मुंडांचा वारसा हा केवळ आदिवासी समाजापुरता मर्यादित नसून, तो संपूर्ण भारतीय जनतेच्या आत्मसन्मानाचा प्रतीक आहे. आजच्या काळात त्यांच्या विचारांचा वारसा अधिक दृढ करण्याची गरज आहे.”

डॉ. तुंडूरवार पुढे म्हणाले की, बिरसा मुंडांचा लढा हा केवळ जल, जंगल आणि जमिनीपुरता नव्हता. त्यांनी शोषण, धर्मांतर आणि विस्थापनाविरुद्ध उभारलेला आवाज हा भारतीय स्वातंत्र्याच्या दिशेने एक भव्य उलगुलान होता. “आज वसाहतींची राजवट संपली असली तरी शोषण संपलेले नाही; पर्यावरणाचा प्रश्न अधिक गंभीर झाला आहे. अशा वेळी बिरसांच्या विचारांचे महत्त्व अधिक अधोरेखित होते,” असेही त्यांनी स्पष्ट केले.

कार्यक्रमाचे अध्यक्षस्थान व्यवस्थापन परिषद सदस्य *गुरुदासजी कामडी* यांनी भूषवले. यावेळी प्रमुख अतिथी म्हणून अध्ययन केंद्राचे प्रस्तावक व व्यवस्थापन परिषद सदस्य *डॉ. संजय गोरे,* *डॉ. नंदाजी सातपुते,* डॉ. विवेक गोरलावार, तसेच केंद्राचे समन्वयक डॉ. सत्यनारायण सुदेवाड उपस्थित होते.

*डॉ. संजय गोरे* यांनी आपल्या प्रास्ताविकातून बिरसा मुंडांच्या कार्याचे ऐतिहासिक व सामाजिक महत्त्व अधोरेखित केले. त्यांनी नव्याने स्थापन झालेल्या अध्यासन केंद्राच्या उद्दिष्टांबद्दल सविस्तर माहिती दिली. अध्यक्षीय भाषणात गुरुदासजी कामडी यांनी विद्यार्थ्यांना बिरसा मुंडांच्या जीवनातून प्रेरणा घेण्याचे आवाहन केले.

कार्यक्रमाचे सुंदर संचालन डॉ. हेमराज निखाडे यांनी केले, तर आभार प्रदर्शन डॉ. सत्यनारायण सुदेवाड यांनी मानले.
या प्रसंगी केंद्राचे सदस्य डॉ. राजेंद्र मुद्दमवार, डॉ. प्रिया गेडाम, शक्ती केराम, डॉ. वैभव मसराम, डॉ. नरेश मडावी, प्रा. धनंजय पोशट्टीवार, प्रा. विजय पंधरे आदी मान्यवर उपस्थित होते.

सभागृहात विद्यार्थी, प्राध्यापक व नागरिकांची मोठ्या संख्येने उपस्थिती होती.
या कार्यक्रमाने बिरसा मुंडांच्या क्रांतिकारी विचारांना नव्या