📌 कॅपिटिक्स वेल्थ या नव्या वित्तीय संस्थेचे पुण्यात भव्य उद्घाटन आ. दत्तात्रय मामा भरणे यांच्या शुभहस्ते उद्घाटन सोहळा संपन्न

लोकदर्शन पुणे 👉राहुल खरात

लोकदर्शन न्यूज पोर्टल | पुणे, दि. २ जून २०२५

गुंतवणूक व वित्त सल्ला क्षेत्रात आधुनिक तंत्रज्ञानावर आधारित सुविधा देणाऱ्या कॅपिटिक्स वेल्थ या नव्या वित्तीय संस्थेच्या मुख्य कार्यालयाचे उद्घाटन आज पुण्यातील आनंदनगर येथे मोठ्या उत्साहात पार पडले.

या उद्घाटन सोहळ्याचे प्रमुख पाहुणे म्हणून महाराष्ट्र राज्याचे क्रीडा व अल्पसंख्याक विकास मंत्री तसेच वाशिम जिल्ह्याचे पालकमंत्री आ. दत्तात्रय मामा भरणे उपस्थित होते. त्यांच्या हस्ते या वित्तीय संस्थेचे विधिवत उद्घाटन झाले.

या प्रसंगी सामाजिक, औद्योगिक व व्यावसायिक क्षेत्रातील अनेक मान्यवरांची उपस्थिती लाभली. त्यामध्ये मा. श्री. विकास नाना दांगट, मा. श्री. काकासाहेब चव्हाण, मा. अक्रूर शेठ कुदळे, मा. डॉ. अरुण महाजन, मा. श्री. चंद्रकांत नेमाडे, मा. श्री. शैलेश बोथरा, तसेच मा. श्री. सुमित दोरगे यांचा समावेश होता.

कॅपिटिक्स वेल्थ चे संस्थापक श्री. मयूर बल्लाळ व श्री. पुष्कर झांबरे यांनी संस्थेच्या कार्यपद्धती व उद्दिष्टांवर प्रकाश टाकला. त्यांनी स्पष्ट केले की संस्थेचा मुख्य उद्देश फक्त आर्थिक सल्ला देण्यापुरता न राहता, गुंतवणूकदारांना सुरक्षित, पारदर्शक आणि दीर्घकालीन दृष्टिकोनातून सक्षम बनविणे हा आहे.

श्री. बल्लाळ म्हणाले, “आज अनेक ठिकाणी फसवणूक करणाऱ्या गुंतवणूक योजनांची वाढ झाली आहे. सामान्य गुंतवणूकदार त्यात अडकून आर्थिक नुकसान सहन करत आहेत. त्यामुळेच ‘कॅपिटिक्स वेल्थ’ या माध्यमातून वित्तीय साक्षरता वाढवणे आणि लोकांना योग्य मार्गदर्शन देणे आमचे ध्येय आहे.”

श्री. झांबरे यांनी सांगितले की, “आम्ही SIP, SWP, गोल-बेस्ड म्युच्युअल फंड योजना तसेच व्यवसायांसाठी कस्टमाइज कॉर्पोरेट इन्शुरन्स सोल्यूशन्स उपलब्ध करणार आहोत. आमची सेवा टेक्नोलॉजीवर आधारित असून, ग्राहक-केंद्रित दृष्टिकोन बाळगून विश्वासार्ह आणि शाश्वत आर्थिक मार्गदर्शन देणे हे आमचे ध्येय आहे.”

कॅपिटिक्स वेल्थ म्युच्युअल फंड्स, प्रायव्हेट इक्विटी, कॉर्पोरेट इन्शुरन्स, सोलर सोल्यूशन्स, आणि फिनान्शियल प्लॅनिंग यांसारख्या क्षेत्रात सेवा देणार असून, व्यावसायिक सल्ला, नैतिक मूल्ये आणि नवोन्मेषी दृष्टीकोन हे तीन महत्त्वाचे आधारस्तंभ म्हणून या संस्थेचे वैशिष्ट्य आहे.

या भव्य उद्घाटन सोहळ्यामुळे पुणे शहरात गुंतवणूकदारांना एक नवा, विश्वासार्ह व पारदर्शक वित्तीय मार्गदर्शक मिळाला आहे. गुंतवणूक जगतातील या नव्या पर्वाची सुरुवात प्रेरणादायी आणि आश्वासक ठरली आहे.

—

✍️ सादरकर्ता – लोकदर्शन न्यूज नेटवर्क