लोकदर्शन 👉प्रा. अशोक डोईफोडे
गडचांदूर- शहरातील आदर्श प्राथमिक हिंदी विद्यामंदिर येथे बाल आनंद मेळाव्याचे आयोजन विद्यार्थी मंत्री मंडळाने केले. या मेळाव्याचे उद्धाटन शिक्षण विस्तार अधिकारी सचिनकुमार मालवी यांचे हस्ते करण्यात आले. प्रमुख पाहुणे म्हणून मुख्याध्यापिका डॉ. मंजुषा मत्ते व शाळेतील शिक्षक, पालक उपस्थित होते. मेळाव्यात एकूण ३४ स्टॉल विद्यार्थ्यांनी लावले होते. पालकासह विद्यार्थी व शिक्षकांनी बाल आनंद मेळाव्याचा मनसोक्त आनंद घेतला. यावेळी शिक्षण विस्तार अधिकारी सचिनकुमार मालवी यांनी विद्यार्थ्यांना मोलाचे मार्गदर्शन केले.
कार्यक्रमाचे सूत्रसंचालन शिक्षक अनंत काळे यांनी तर आभार प्रदर्शन राकेश गोरे यांनी केले.
