🟥 चंद्रपुरात भाजपाची रणनिती ठरली; अरुण लाखाणी यांच्या विजयासाठी नेत्यांचा निर्धार ♦️ विधान परिषद निवडणूक पूर्व आढावा बैठक एन. डी. हॉटेल, चंद्रपूर

✍️ लोकदर्शन चंद्रपूर | मोहन भारती

जिल्ह्याचे पालकमंत्री तथा आदिवासी विकास मंत्री मा.ना.श्री. अशोकजी उईके व राज्याचे शालेय शिक्षण आणि गृहनिर्माण राज्यमंत्री मा.ना.श्री. पंकज भोयर यांच्या प्रमुख उपस्थितीत विधान परिषद (स्थानिक स्वराज्य संस्था) आगामी निवडणुकीच्या पार्श्वभूमीवर भाजपा नगरसेवकांची महत्त्वपूर्ण आढावा बैठक आज चंद्रपूर येथील एन. डी. हॉटेल येथे पार पडली. या बैठकीला मी देखील आवर्जून उपस्थित होतो.

बैठकीमध्ये विधान परिषद उमेदवार श्री. अरुण लाखाणी यांच्या प्रचाराची दिशा, आगामी रणनीती आणि स्थानिक स्वराज्य संस्थांमधील समन्वय यावर सविस्तर चर्चा करण्यात आली. यावेळी उपस्थित मंत्री महोदयांनी लोकप्रतिनिधींना एकजुटीने काम करण्याचे आवाहन करत श्री. लाखाणी यांच्या विजयासाठी भक्कमपणे उभे राहण्याचा निर्धार व्यक्त केला.

स्थानिक स्वराज्य संस्थांच्या बळकटीकरणासाठी भाजपा कार्यकर्ते आणि लोकप्रतिनिधींनी अधिक जोमाने काम करावे, तसेच आगामी निवडणुकीत पक्षाच्या विजयासाठी प्रत्येकाने सक्रिय भूमिका पार पाडावी, असे मार्गदर्शनही यावेळी करण्यात आले.

प्रसंगी विधान परिषद उमेदवार श्री. अरुण लाखाणी यांनी भाजपाचे ज्येष्ठ नेते व लोकप्रतिनिधींसोबत चंद्रपूरचे आराध्य दैवत माता महाकालीचे दर्शन घेऊन आशीर्वाद घेतले.

यावेळी राष्ट्रीय मागासवर्गीय आयोगाचे माजी अध्यक्ष श्री. हंसराजभैय्या अहिर, आमदार श्री. बंटीभाऊ भांगडिया, आमदार श्री. समीर कुणावार, आमदार श्री. किशोरभाऊ जोरगेवार, आमदार श्री. राजेश बकाने, आमदार श्री. करण देवतळे, माजी खासदार श्री. अशोक नेते, माजी आमदार श्री. देवराव होळी, भाजपाचे जिल्हाध्यक्ष हरीशजी शर्मा, चंद्रपूर महानगरपालिकेच्या महापौर सौ. संगीताताई खांडेकर आदी मान्यवर उपस्थित होते.