*🌸 आ. सुधीर मुनगंटीवार यांच्या मदतीने चिमुकल्या वैष्णवीला मिळाले नवे जीवन 🌸*

लोकदर्शन 👉मोहन भारती

चंद्रपूर – “मी आज तुमच्यामुळे जिवंत आहे. आपण मला सहकार्य केले नसते तर मी या जगात नसते… आपले मनःपूर्वक आभार!” – ११ वर्षांच्या वैष्णवी कुमारस्वामी पोतलवारच्या शब्दांनी माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांना भारावून टाकले.

चंद्रपूरच्या भिवापूर वॉर्डात राहणाऱ्या *वैष्णवीचा* जन्म २०१४ मध्ये सामान्य रुग्णालयात झाला. जन्मत:च तिला गंभीर शारीरिक अडचण होती; तिच्या शरीरात शौचाचा मार्ग नव्हता. जन्मानंतर तिला ताबडतोब उपचाराची गरज होती, पण कुटुंबाची आर्थिक परिस्थिती अत्यंत कमजोर होती.

कुटुंबाने मित्रांच्या सल्ल्याने *आमदार श्री. सुधीर मुनगंटीवार* यांच्या जनसंपर्क कार्यालयाचा दरवाजा ठोठावला. सर्वसामान्यांच्या दु:खाशी एकरूप होणारे नेते म्हणून ओळखले जाणारे म. श्री. मुनगंटीवार यांनी तात्काळ मदतीचा हात पुढे केला. वैष्णवीवर तब्बल सहा शस्त्रक्रिया कराव्या लागल्या, त्यापैकी पाच शस्त्रक्रिया अयशस्वी झाल्या. परंतु आमदार मुनगंटीवार यांनी सहाव्या शस्त्रक्रियेत यश मिळेल असा विश्वास दिला आणि *नागपूरच्या गेटवेल हॉस्पिटलमध्ये* उपचाराची व्यवस्था करून दिली. सहावी शस्त्रक्रिया यशस्वी ठरली आणि वैष्णवीला नवे जीवन लाभले.

२९ सप्टेंबर २०२५ रोजी भिवापूर येथील बदकम्मा कार्यक्रमात वैष्णवीने आमदार मुनगंटीवार यांची प्रत्यक्ष भेट घेतली. डोळ्यात अश्रू, ओठांवर कृतज्ञतेचे शब्द घेऊन तिने म्हटले – “मी आज तुमच्यामुळे जिवंत आहे…” हे ऐकून आमदार मुनगंटीवार भावनिक झाले आणि वैष्णवीच्या डोक्यावर हात ठेवून तिला यशस्वी आयुष्य आणि शिक्षण घेण्यासाठी आशीर्वाद दिला.

वैष्णवीच्या आई-वडिलांनीही आपल्या मुलीला मिळालेल्या नव्या जीवनासाठी आणि आमदार मुनगंटीवार यांच्या संवेदनशील नेतृत्वासाठी मनःपूर्वक आभार मानले. ही कहाणी केवळ एका बालकाच्या आयुष्याची नव्याने सुरुवात सांगत नाही, तर लोकांच्या वेदनांवर लक्ष ठेवून कार्य करणाऱ्या संवेदनशील नेतृत्वाचीही जिवंत साक्ष ठरते.