🌿 विदर्भ महाविद्यालय, जिवती येथे वृक्षारोपण कार्यक्रम उत्साहात पार पडला 🌳”पर्यावरण वाचवा – भविष्य घडवा” या घोषवाक्याने विद्यार्थ्यांमध्ये जागृती

लोकदर्शन जिवती 👉 प्रा. गजानन राऊत

– विदर्भ महाविद्यालय, जिवती येथील राष्ट्रीय सेवा योजना (NSS) विभागाच्या वतीने पर्यावरण संरक्षणाच्या उद्देशाने वृक्षारोपण कार्यक्रमाचे आयोजन उत्साहात करण्यात आले. या उपक्रमात विद्यार्थ्यांसह प्राध्यापक, स्वयंसेवक आणि स्थानिक नागरिकांनी मोठ्या संख्येने सहभाग घेतला.

कार्यक्रमाची सुरुवात प्राचार्य डॉ. एस.एच. शाक्य यांच्या हस्ते वृक्षारोपण करून झाली. यावेळी प्रा. देशमुख (IQAC को-ऑर्डिनेटर), प्रा. लांडगे, डॉ. पानघाटे, प्रा. तेलंग आणि राष्ट्रीय सेवा योजना कार्यक्रम अधिकारी प्रा. सचिन यनगंदलवार आदी मान्यवर उपस्थित होते. महाविद्यालयातील शिक्षकवृंद व स्वयंसेवकही मोठ्या संख्येने सहभागी झाले होते.

मुख्य पाहुण्यांनी पर्यावरण संवर्धनाचे महत्त्व अधोरेखित करत विद्यार्थ्यांना “प्रत्येकाने एक झाड लावून त्याचे संगोपन करावे” असे आवाहन केले.
कार्यक्रमात छायादार, औषधी व फलद्रूप अशा विविध प्रकारच्या झाडांचे रोपण करण्यात आले. वृक्षारोपणानंतर सर्व स्वयंसेवकांनी झाडांची देखभाल व संगोपनाची शपथ घेतली.

या उपक्रमाचे संयोजन प्रा. सचिन यनगंदलवार यांच्या मार्गदर्शनाखाली करण्यात आले. त्यांनी विद्यार्थ्यांना पर्यावरणपूरक जीवनशैली अंगीकारण्याचे आवाहन केले.
कार्यक्रमाचे संचालन प्रा. अमित बोरकर यांनी केले, तर आभार प्रदर्शन प्रा. डॉ. डोर्लिकर मॅडम यांनी मानले. कार्यक्रमाच्या यशस्वितेसाठी महाविद्यालयातील शिक्षक व शिक्षकेत्तर कर्मचाऱ्यांनी मोलाचे योगदान दिले.

“एक झाड – एक जीवन” या संकल्पनेने हिरवळ टिकवण्याचा संकल्प करत हा कार्यक्रम पर्यावरणप्रेमी विद्यार्थ्यांमध्ये नवीन ऊर्जा निर्माण करणारा ठरला.