🪷 विठू नामाचा गजर 🪷

(सौ. भारती वसंत वाघमारे, मंचर, ता. आंबेगाव, जि. पुणे यांची कविता)
📜 लोकदर्शन न्यूज पोर्टल विशेष सादरीकरण

अवघे गरजे पंढरपूर
जाहला विठूनामाचा गजर… 🌺 [ध्रुव]

🎉 रंगली रंग रंगोटी, दारी रांगोळी सुंदर,
रथ लावून तोरणे, सजली मखर.
कंठी हार, तुळशी माळा,
कपाळी चंदनाचा टिळा.
जयघोषाने भरते गगनभर,
जाहला विठूनामाचा गजर! 🌼

🥁 टाळ, मृदुंग, वीणा हाती,
वारकरी विठ्ठल गाणी गाती.
दिंडी चालली पंढरी,
विठ्ठल उभा विटेवरी.
आला भक्तिरसांचा पूर,
जाहला विठूनामाचा गजर! 🙏

🚶‍♂️ दिंडी चाले पाई पाई,
विठ्ठल वसे ठाई ठाई.
हरिनामात दंग वारकरी,
रंगी रंगला श्रीरंग परी.
पंढरपूर हे संतांचे माहेर,
जाहला विठूनामाचा गजर! 💫

👂 टाळघोष पडता कानी,
मूर्ती विठ्ठलाची असे ध्यानी.
रूप पाहून हरपली भूक,
तहान विसरूनी ठेवती मस्तक.
हरीनामाचा करतो जागर,
जाहला विठूनामाचा गजर! 🕉

🛕 आम्ही विठ्ठलाचे वारकरी,
पाई चालतो पंढरी.
महा पातके जळती,
स्नान चंद्रभागेतीरी.
कटेवरी हात ठेवूनी उभा देव भारी,
चरणी मस्तक ठेवून,
दूर झाला अंधार सारी.
जाहला विठूनामाचा गजर! 🔱

“विठू नामाचा गजर” ही भक्तिभावपूर्ण कविता सौ. भारती वसंत वाघमारे (मंचर, ता. आंबेगाव, जि. पुणे) यांची रचना असून, वारकऱ्यांची श्रद्धा, निष्ठा आणि आषाढी एकादशीच्या पवित्र भावनेचा हृदयस्पर्शी आविष्कार आहे.

✨ लोकदर्शन न्यूज पोर्टल तर्फे लेखिकेस मन:पूर्वक सलाम!
जय हरी विठ्ठल! 🙌