🌟 गडचिरोलीत परिवर्तनाची नांदी! मुख्यमंत्री देवेंद्र फडणवीस यांचा ऐतिहासिक दौरा – नक्षलप्रभावित भागात आत्मसमर्पण, विकास आणि विश्वासाचा नवा अध्याय लोकदर्शन न्यूज पोर्टल प्रतिनिधी –

लोकदर्शन न्यूज पोर्टल प्रतिनिधी – गडचिरोली👉राहुल खरात

गडचिरोली जिल्ह्यातील अतिदुर्गम कवंडे गावात आज इतिहास घडला. मुख्यमंत्री देवेंद्र फडणवीस यांनी महाराष्ट्र-छत्तीसगड सीमेवरील या अतिदुर्गम भागाला भेट देत, या परिसरात पाऊल ठेवणारे पहिले मुख्यमंत्री म्हणून नवा पायंडा पाडला.

या दौऱ्यात 12 माजी नक्षलवाद्यांनी अत्याधुनिक शस्त्रांसह आत्मसमर्पण केले, तर 13 माजी नक्षलवादी जोडप्यांचा सामूहिक विवाहसोहळा सुद्धा पार पडला. या नवदाम्पत्यांना स्वतः मुख्यमंत्री महोदयांच्या हस्ते शुभेच्छा देण्यात आल्या. त्यांनी सर्व माजी नक्षल्यांना संविधानाच्या चौकटीत पुनर्वसन आणि मुख्य प्रवाहात सामावण्याची ग्वाही दिली.

📌 पोलिस आऊटपोस्ट – सुरक्षिततेच्या दिशेने मजबूत पाऊल

मुख्यमंत्री फडणवीस यांनी २४ तासांत उभारण्यात आलेल्या कवंडे पोलिस आऊटपोस्टला भेट दिली. “ही केवळ सुरक्षा नव्हे तर विश्वासाची पायरी आहे,” असे त्यांनी गावकऱ्यांशी संवाद साधताना सांगितले. त्यांनी सांगितले की गेल्या दीड वर्षांत २८ माओवादी ठार, ३१ अटक आणि ४४ आत्मसमर्पण झाले असून हा नक्षलविरोधी लढ्याचा अंतिम टप्पा आहे.

—

🌱 ‘धरती आबा’ अभियान – 533 लाभार्थ्यांना सरकारी योजनांचा लाभ

‘धरती आबा’ अभियानांतर्गत कवंडे, नेलगुंडा व पेनगुंडा येथे आयोजित शिबिरांमधून ५३३ नागरिकांना विविध योजनांचे एकूण ९८७ लाभ प्रदान करण्यात आले.
यामध्ये –

आयुष्मान भारत

प्रधानमंत्री आवास योजना

अन्न सुरक्षा योजना

पीएम किसान सन्मान निधी

मनरेगा जॉब कार्ड

आरोग्य तपासणी व अ‍ॅनिमिया तपासणी
या योजनांचा समावेश होता.

🔫 सी-60 कमांडोचा गौरव – अत्याधुनिक शस्त्रांचे वितरण

सी-60 कमांडोच्या सत्कार सोहळ्यात मुख्यमंत्री फडणवीस यांनी AK-103 रायफल्स, ASM-I पिस्तूल व बुलेटप्रूफ जॅकेट्स कमांडोंना प्रदान केल्या. जिल्हा नियोजन निधीतून खरेदी करण्यात आलेल्या बुलेटप्रूफ गाड्यांच्या चाव्याही पोलिस दलाला सुपूर्त करण्यात आल्या.

🛤️ महाराष्ट्र-छत्तीसगड जोडणारा पूल – विकासाला चालना

मुख्यमंत्र्यांनी कोरमा नाल्यावर उभारल्या जाणाऱ्या 120 मीटर लांबीच्या पुलाची ड्रोनद्वारे पाहणी केली.
हा पूल राज्यमार्ग 380 वरील असून त्यासाठी १०.७० कोटी रुपयांची तांत्रिक मान्यता देण्यात आली आहे. या पुलामुळे सीमावर्ती गावांपर्यंत प्रशासनाच्या सेवा, आरोग्य, शिक्षण व रोजगाराच्या योजना प्रभावीपणे पोहोचणार आहेत.

✅ मुख्यमंत्र्यांचा स्पष्ट संदेश

> “मार्च २०२६ पर्यंत नक्षलवादाचा संपूर्ण खात्मा करायचा आहे. विकासाच्या मार्गावर गडचिरोली जिल्ह्याला घेऊन जाताना पर्यावरण आणि निसर्गसंपदा यांचे जतनही तितकेच महत्त्वाचे आहे,” असे मुख्यमंत्री फडणवीस यांनी ठामपणे सांगितले.

—
या ऐतिहासिक दौऱ्यात मंत्री आशिष जयस्वाल, आमदार धर्मरावबाबा आत्राम, आमदार डॉ. मिलिंद नरोटे, पोलीस व महसूल विभागाचे वरिष्ठ अधिकारी उपस्थित होते.

📸 गडचिरोलीत विकास, सुरक्षा आणि सशक्ततेच्या दिशेने टाकलेले हे पाऊल नवा इतिहास घडवत आहे!

—