📰 गडचांदूर नगरपालिकेची निवडणूक वंचित बहुजन आघाडी स्वबळावर लढवणार — प्रकाश ताम्हाडे

📰 गडचांदूर नगरपालिकेची निवडणूक वंचित बहुजन आघाडी स्वबळावर लढवणार — प्रकाश तावडे

लोकदर्शन👉मोहन भारती

गडचांदूर, ता. १० नोव्हेंबर २०२४ —
वंचित बहुजन आघाडी गडचांदूर नगरपालिकेची निवडणूक स्वबळावर लढवणार असल्याची घोषणा वंचित बहुजन आघाडीचे जिल्हाध्यक्ष प्रकाश ताम्हाडे यांनी केली आहे.
गडचांदूर नगर परिषदेत स्वच्छता व स्थानिक प्रश्नांवर वंचित बहुजन आघाडी सातत्याने लढा देत असल्याने स्थानिक पातळीवर पक्षाची जनाधार वाढत आहे.

प्रकाश ताम्हाडे यांनी प्रसिद्धीपत्रकात म्हटले आहे की, “गडचांदूरमधील विकासकामांवर आम्ही ठोस भूमिका घेत आहोत. स्थानिक नागरिकांचे प्रश्न सोडवण्यासाठी आमचे पदाधिकारी आणि कार्यकर्ते सक्रिय आहेत. त्यामुळे गडचांदूर नगरपालिकेची निवडणूक आम्ही पूर्ण ताकदीने स्वबळावर लढवणार आहोत.”

त्यांनी पुढे सांगितले की, पक्षाचे राज्याध्यक्ष डॉ. प्रकाश आंबेडकर यांच्या नेतृत्वाखाली वंचित बहुजन आघाडी सामाजिक न्याय, समानता आणि विकासाचा ध्यास घेत आहे. गडचांदूर परिसरात पक्षाने विविध सामाजिक उपक्रम राबवले असून, लोकांचा मोठा प्रतिसाद मिळत आहे.

नगरपालिकेतील निवडणुकीत वंचित बहुजन आघाडीने आपल्या उमेदवारांच्या माध्यमातून स्थानिक प्रश्नांवर ठोस उपाययोजना मांडण्याचा निर्धार व्यक्त केला आहे. जिल्हा उपाध्यक्ष त्रिविक्रम चौकसे, सचिव राजेश इंगळे आणि इतर पदाधिकारी यांची बैठक घेऊन निवडणुकीची रणनीती ठरविण्यात आली असल्याचेही ताम्हाडे यांनी सांगितले.