📰 महाराष्ट्र सरकारचा ऐतिहासिक निर्णय : आता राज्यातील दुकाने 24 तास उघडी राहणार!

लोकदर्शन 👉मोहन भारती

मुंबई : महाराष्ट्र सरकारने व्यापारी व ग्राहक वर्गासाठी एक मोठा निर्णय घेतला आहे. राज्यातील सर्व दुकाने, हॉटेल्स आणि खाद्यगृहे आता २४ तास खुली ठेवता येणार आहेत. या निर्णयामुळे राज्यातील व्यापारी, उद्योगपती तसेच ग्राहकांना मोठा दिलासा मिळणार आहे.

🔹 मात्र बार, मद्यपानगृहे, परमिट रूम, हुक्का पार्लर, देशी बार यांना या नियमातून वगळण्यात आले आहे.
🔹 महाराष्ट्र दुकाने आणि आस्थापना अधिनियम २०१७ नुसार हा निर्णय राबवण्यात आला आहे.
🔹 कर्मचारी हक्क अबाधित ठेवून प्रत्येक कामगारास आठवड्यातून एक दिवसाची अनिवार्य विश्रांती देण्याची तरतूद कायम राहील.

या निर्णयामुळे रात्रीच्या वेळेसही व्यावसायिक सुविधा उपलब्ध राहतील. व्यापाराला गती मिळेल तसेच रोजगाराच्या संधींमध्ये वाढ होईल, असा विश्वास व्यक्त केला जात आहे.