🌺 वाकी बुद्रुक येथे नवसाला पावणाऱ्या श्री. स्वयंभू श्री. आई सोमजाई देवीचा नवरात्री उत्सव सोहळा 🌺

लोकदर्शन मुंबई प्रतिनिधी: महेश कदम

महाड तालुक्यातील वाकी बुद्रुक येथील श्री. स्वयंभू श्री. आई सोमजाई देवी देवस्थान येथे दिनांक २२ सप्टेंबर ते १ ऑक्टोबर २०२५ या कालावधीत नवरात्री उत्सव मोठ्या उत्साहात व भक्तिभावाने साजरा होणार आहे.

ग्रामदैवत असलेल्या नवसाला पावणाऱ्या आई सोमजाई देवीचा हा उत्सव दरवर्षी भक्तांच्या मोठ्या उपस्थितीत पार पडतो. रांगोळी, तोरणे, पताका, दीप सजावट, हरिगजर, भजन, कीर्तन, जागरण गोंधळ असे दैनंदिन कार्यक्रम ग्रामस्थ मंडळाच्या वतीने पार पाडले जातील.

🚩कार्यक्रमांची वैशिष्ट्ये:

२२ सप्टेंबर रोजी घटस्थापना, महाआरती व महाप्रसाद.

२३ सप्टेंबरपासून दररोज सकाळ-संध्याकाळ महाआरती व गावोगावी हरिजागर.

२८ सप्टेंबर रोजी रायगड जिल्ह्यातील भजन सम्राट भजनसंध्या (माणगाव) यांची अभंग, गौळणी, पोवाड्यांची सुरेल मैफिल.

३० सप्टेंबर रोजी दुर्गाष्टमी निमित्त होम-हवन व ह.भ.प नामदेव महाराज रवळेकर (सातारा) यांचे कीर्तन.

१ ऑक्टोबर रोजी बलिदान, विसर्जन सोहळा व समारोप.

या आयोजनासाठी श्री. सूर्यकांत कदम (अध्यक्ष), श्री. संजय कदम (उपाध्यक्ष), श्री. विनोद भोसले (सचिव), श्री. सुधीर म्हामुणकर (खजिनदार) तसेच विश्वस्त व ग्रामस्थ यांचे विशेष सहकार्य लाभले आहे.

देशभरातून भाविक या ठिकाणी दर्शनासाठी येतात. “आई सोमजाईचं चांगभलं, आई सोमजाईचा उदो उदो” या जयघोषात उत्सव जल्लोषात पार पडणार आहे.