🔹 डॉ. महेश अभ्यंकर, दिलीप नारकर, रामजित (जितु) गुप्ता, अरविंद सुर्वे यांची जनजागृती सेवा संस्थेच्या सल्लागारपदी निवड

लोकदर्शन बदलापूर👉 गुरुनाथ तीरपणकर

बदलापूर (दिनांक 2ऑगस्ट :
जनजागृती सेवा संस्था गेली चार वर्षे समाजोपयोगी, लोकाभिमुख उपक्रमांतून जनतेमध्ये सकारात्मक विचारांची मशागत करत आहे. संस्थेच्या कार्यात समाजातील विविध क्षेत्रातील मान्यवरांचा सहभाग सतत राहिलेला आहे.

या उपक्रमांत अधिक प्रभावी मार्गदर्शन मिळावे याकरिता संस्थेच्या सल्लागार मंडळात चार नवे मान्यवर सहभागी झाले आहेत. यामध्ये खालील सन्माननीय व्यक्तींची सल्लागारपदी नियुक्ती करण्यात आली आहे:

डॉ. महेश अभ्यंकर – सामाजिक, शैक्षणिक व वैद्यकीय विषयांवरील लेखक, पुस्तक पेढी भेट योजनेचे संस्थापक व समुपदेशक.
दिलीप नारकर – माजी कमांडिंग ऑफिसर, ‘ई’ परिमंडळ, बृहन्मुंबई; समता साहित्य अकादमीचे अध्यक्ष; राष्ट्रपती पदक सन्मानित.
रामजित (जितु) गुप्ता – मुख्य तपासी अधिकारी, मुंबई ॲन्टी पायरसी सेल; विविध पुरस्कारांनी सन्मानित सामाजिक कार्यकर्ते.
🏥 अरविंद सुर्वे – संचालक, उषा हॉस्पिटॅलिटी, डोंबिवली; ग्रामीण व शहरी क्षेत्रात सक्रिय जेष्ठ समाजसेवक.

संस्थेच्या ऑनलाईन कार्यकारिणी बैठकीत एकमताने या निवडी जाहीर करण्यात आल्या. नियुक्तीपत्रे देण्यात आली असून, सर्व नविन सल्लागारांनी संस्थेच्या कार्यासाठी आपले मार्गदर्शन, सहकार्य व संसाधनात्मक सहभाग देण्याचे आश्वासन दिले.

संस्थेचे अध्यक्ष गुरुनाथ तिरपणकर यांनी नविन सल्लागारांचे अभिनंदन करत पुढील वाटचालीस शुभेच्छा दिल्या. या निवडीमुळे संस्थेच्या कार्याला नवे बळ मिळेल, असा विश्वास व्यक्त होत आहे.