🟨 शिवभक्तीच्या महासागरात आर्णी नगरी न्हाऊन निघाली

लोकदर्शन आर्णी 👉मोहन भारती

आर्णी, जि. यवतमाळ | दिनांक 01 एप्रिल 2026
यवतमाळ जिल्ह्यातील आर्णी येथील श्री सिद्धेश्वर नगरी येथे श्री बहिरमदेव शिव महापुराण सेवा समिती ट्रस्टच्या वतीने आयोजित करण्यात आलेल्या भव्य श्री शिव महापुराण कथा सप्ताहास आज उत्स्फूर्त प्रतिसाद लाभला. या प्रसंगी प्रसिद्ध कथावाचक पं. श्री प्रदीपजी मिश्रा महाराज यांच्या सुश्राव्य वाणीतून शिवमहापुराण कथेमृताचा लाभ भाविकांना मिळाला.

आजच्या धावपळीच्या आणि तणावग्रस्त जीवनशैलीत अध्यात्म हेच मानसिक शांततेचे खरे साधन असल्याचे यावेळी अधोरेखित झाले. पं. श्री प्रदीपजी मिश्रा महाराज यांच्या प्रभावी कथेमुळे घराघरात शिवभक्तीची जागृती होत असून समाजात सकारात्मकतेचा संदेश पोहोचत आहे.

या पवित्र सोहळ्यास उपस्थित राहून लाखो भाविकांची शिस्त, त्यांच्या चेहऱ्यावर उमटलेली भक्तीभावना आणि वातावरणातील अध्यात्मिक ऊर्जा अनुभवून मन प्रसन्न झाले. या कथा सप्ताहातून मिळालेली सकारात्मक ऊर्जा सर्वांच्या जीवनात सुख, समृद्धी आणि उत्तम आरोग्य घेऊन येवो, अशी मंगल भावना व्यक्त करण्यात आली.

या वेळी गोपाळ शर्मा, संतोष जयस्वाल, एकनाथ थोडगे, सुनील चोरडिया, रणजित राठोड, पवन पनपालिया, गोपाळ कोठारी, शंकर मरबते, रवी नलमवार, एन. टी. जाधव, पुरुषोत्तम इंगोले, राजेश कुशवाहा, अर्हम कोठारी, वैशाली जाधव यांच्यासह श्री बहिरमदेव शिव महापुराण सेवा समिती ट्रस्टचे पदाधिकारी, कार्यकर्ते व नागरिक मोठ्या संख्येने उपस्थित होते.