📰 जिल्हाध्यक्ष माजी आमदार सुभाष धोटे यांचा संवेदनशील पुढाकार — पाल व चापले कुटुंबीयांना दिला मायेचा धीर

लोकदर्शन.👉मोहन भारती

गोंडपिपरी :— गोंडपिपरी तालुक्यातील मौजा चकपीपरी येथे घडलेल्या हृदयद्रावक घटनेत शेतकरी भाऊजी पाल यांचा वाघाच्या हल्ल्यात मृत्यू झाला. या दुर्दैवी घटनेने पाल कुटुंबीयांवर दुःखाचे डोंगर कोसळले असून परिसरात हळहळ व्यक्त केली जात आहे.

दुःखाच्या या प्रसंगी चंद्रपूर जिल्हा काँग्रेस कमिटीचे जिल्हाध्यक्ष माजी आमदार सुभाषभाऊ धोटे यांनी चकपीपरी येथे जाऊन पाल कुटुंबीयांची भेट घेऊन त्यांना सांत्वन केले. त्यांनी संबंधित विभागाच्या अधिकाऱ्यांशी संपर्क साधून प्रशासनाकडून तातडीने आर्थिक मदत मिळावी, अशी मागणी केली. तसेच, कुटुंबाला सर्वतोपरी मदत व सहकार्य करण्याचा दिलासा दिला.

दरम्यान, गणेशपिपरी येथील काँग्रेस कार्यकर्ते विकास चापले यांचा मुलगा प्रणय चापले याचा अल्प आजाराने मृत्यू झाल्याची दुःखद वार्ता समजताच जिल्हाध्यक्ष धोटे यांनी गणेशपिपरी गाठून चापले कुटुंबीयांनाही भेट दिली. दिवाळीसारख्या सणाच्या काळात घरातील तरुण सदस्याचे निधन हे कुटुंबासाठी मोठे दुःख असल्याचे सांगून सुभाषभाऊंनी त्यांना मायेचा ओलावा आणि धीर दिला.

या वेळी काँग्रेसचे तालुकाध्यक्ष अशोक रेचनकर, माजी तालुकाध्यक्ष तुकाराम झाडे, जेष्ठ नेते देवेंद्र बट्टे, अजय माडुरवार, शहराध्यक्ष राजु झाडे, महिला तालुकाध्यक्ष सोनीताई दिवसे, अनुसूचित जाती विभाग काँग्रेसचे तालुकाध्यक्ष गौतम झाडे, अनिल झाडे, सुरज माडुरवार, लटारू चापले, धर्मराव पोटे, बालाजी चणकापुरे, राहुल लडके, अनिल कोरडे, माधव लडके, अमित फरकडे, गणेश भोगेकर, महेंद्र कुनघाडकर, नरेश नागापुरे, सारनाथ बक्षी, आशिष निमगडे, प्रशांत कोसनकर, भडकेताई आदी पदाधिकारी व कार्यकर्ते उपस्थित होते