🌿 विदर्भ महाविद्यालयात ‘केमिकल सोसायटी’ची स्थापना : विद्यार्थ्यांमध्ये वैज्ञानिक दृष्टिकोन व ग्रीन केमिस्ट्रीची जागरूकता

लोकदर्शन जिवती 👉प्रा. गजानन राऊत

जिवती (प्रतिनिधी) – विदर्भ महाविद्यालयाच्या रसायनशास्त्र विभागाच्या वतीने ‘केमिकल सोसायटी’ची स्थापना करण्यात आली. या सोसायटीचा उद्देश विद्यार्थ्यांमध्ये वैज्ञानिक दृष्टिकोन वाढविणे, प्रयोगशीलता विकसित करणे आणि पर्यावरणपूरक रसायनशास्त्राविषयी जागरूकता निर्माण करणे हा आहे.

या कार्यक्रमाचे उद्घाटन महाविद्यालयाच्या प्राचार्या डॉ. एस. एच. शाक्य यांच्या हस्ते संपन्न झाले. उद्घाटन सोहळ्याच्या मंचावर रसायनशास्त्र विभागप्रमुख डॉ. योगेश खेडेकर, डॉ. परवेज अली आणि प्रा. गणेश कदम उपस्थित होते.

प्राचार्या डॉ. शाक्य यांनी विद्यार्थ्यांना संबोधित करताना सांगितले की, “विज्ञान हे केवळ प्रयोगशाळेत मर्यादित नसून, ते समाजपरिवर्तनाचे शक्तिशाली साधन आहे. संशोधन क्षेत्रात नव्या संधींचे दरवाजे उघडण्यासाठी जिज्ञासू वृत्ती आवश्यक आहे.”

डॉ. योगेश खेडेकर यांनी सोसायटीच्या स्थापनेचा हेतू व आगामी उपक्रमांविषयी माहिती दिली. त्यांनी विद्यार्थ्यांना ‘ग्रीन केमिस्ट्री’, ‘इनोव्हेटिव्ह एक्सपेरिमेंट्स’, ‘सायन्स क्विझ’ आणि संशोधनाधारित प्रकल्प यांसारख्या उपक्रमांमध्ये सक्रिय सहभागासाठी प्रोत्साहित केले.

या प्रसंगी केमिकल सोसायटीची कार्यकारिणी गठीत करण्यात आली –
अध्यक्ष: डॉ. योगेश खेडेकर

उपाध्यक्ष: डॉ. परवेज अली

सचिव: शीतल पेंदोर

सहसचिव: जयश्री सोनकांबळे

कोषाध्यक्ष: कविता खरोडे

सदस्य: तेजस्विनी छपरे, संजना धूर्वे, आचल मडावी, लक्ष्मी धूर्वे, स्नेहा सोयाम, विजया कोटनाके

कार्यक्रमाचे संचालन व आभारप्रदर्शन डॉ. दिनेश दुर्योधन यांनी केले. या प्रसंगी विद्यार्थ्यांनी मोठ्या संख्येने उपस्थित राहून उत्स्फूर्त प्रतिसाद दिला.

या नव्या उपक्रमामुळे विद्यार्थ्यांमध्ये वैज्ञानिक विचार, पर्यावरणपूरक दृष्टिकोन आणि संशोधनाची आवड जागृत होण्यास निश्चितच हातभार लागेल, असा विश्वास प्राचार्यांनी व्यक्त केला.