🌿 “वृक्षवल्ली आम्हा सोयरे वनचरे” — गुरु बहिणी वृक्षप्रेमी मंचाचा उपक्रम; वृक्षारोपण व स्वच्छतेतून पर्यावरण जनजागृतीचा संदेश लोकदर्शन

लोकदर्शन चंद्रपूर👉डॉक्टर नंदकिशोर मैदळकर

चंद्रपूर (प्रतिनिधी): माझी वसुंधरा या राज्यव्यापी अभियानाच्या अनुषंगाने गुरु बहिणी वृक्षप्रेमी मंच आणि चंद्रपूर महानगरपालिका यांच्या संयुक्त विद्यमाने नेहरू विद्यालयाच्या परिसरात वृक्षारोपण व स्वच्छता स्पर्धा उत्साहात पार पडली.

या उपक्रमात उपस्थित सर्वांनी वृक्ष संवर्धनाची प्रतिज्ञा घेत पर्यावरण रक्षणाची जबाबदारी स्वीकारली. विद्यालय परिसरात विविध प्रजातींची झाडे लावून त्यांचे संवर्धन करण्याचे ठरविण्यात आले.

कार्यक्रमानिमित्त महिला व विद्यार्थिनींनी “वृक्ष जनजागृती प्रभात फेरी” काढून परिसरात हरित संदेश दिला. फेरीदरम्यान “वृक्षवल्ली आम्हा सोयरे वनचरे”, “जहा हरियाली, वाहा खुशहाली”, “पेड लगाओ फ्री ऑक्सिजन पाओ”, “एक मूल, एक वृक्ष”, “वसुंधरा हमारी माता है, जनम जनम का नाता है” असे घोषवाक्ये देत पर्यावरण रक्षणाचे आवाहन करण्यात आले.

या उपक्रमात मनीषा भाके, योगिता धानेवार, प्रीती लखदिवे, वैशाली भागवत, सुनिता पूर्णये, शालिनी पिंपळशेंडे, वर्षा इटणकर, मीनाक्षी आलोणे, संध्या मैंदळकर, अभिलाषा मैदळकर, ज्योती पेठकर, नंदा पेठकर, अर्चिता ऑस्कर, सुनिता शेंडे यांसह असंख्य महिला मोठ्या संख्येने सहभागी झाल्या.

या माध्यमातून वृक्षारोपण आणि स्वच्छतेचे महत्त्व जनमानसात पोहोचविण्याचा प्रयत्न करण्यात आला. “हरित आणि स्वच्छ चंद्रपूर” या ध्येयाने प्रेरित हा उपक्रम समाजासाठी आदर्श ठरला.