🎭 बोरिवलीत मराठी अभिजाततेचा रंगमंच – “जागर अभिजात मराठीचा” ३ ऑक्टोबरला

लोकदर्शन बोरिवली 👉 महेश्वर तेटांबे) –

आपल्या मराठी भाषेला अभिजात दर्जा मिळाल्याच्या आनंददायी वार्षिक दिनानिमित्त, ३ ऑक्टोबर २०२५ रोजी बोरिवलीत एक सांस्कृतिक महोत्सव रंगणार आहे. गेली २२ वर्षे शैक्षणिक व सांस्कृतिक क्षेत्रात कार्यरत आरती आर्ट अकादमी (मुंबई) या संस्थेच्या वतीने आयोजित, “जागर अभिजात मराठीचा” या कार्यक्रमात साहित्य, नाट्य, संगीत आणि नृत्य या कलांचा समृद्ध संगम पाहायला मिळणार आहे.

कार्यक्रमाचे ठिकाण आहे – प्रबोधनकार ठाकरे (जयवंत दळवी लघुनाट्यगृह), बोरिवली, आणि सादरीकरण वेळ दुपारी ४ वाजता व रात्री ८ वाजता आहे.

कार्यक्रमात विशेष आकर्षण म्हणून ईशस्तवन, नाट्यसंगीत, मराठी भाषा वाचन स्पर्धा, भारत माता वंदना, लावणी नृत्य, एकांकिका, कलाकार संगीत खुर्ची यांसारख्या विविध कलाप्रकारांचा समावेश आहे.

येत्या कार्यक्रमात सहभागी होणार आहेत:

प्रसिद्ध अभिनेते गिरीश ओक, अविनाश नारकर, अनिकेत विश्वासराव, अमोल बावडेकर, उपेंद्र दाते, प्रमोद शेलार, प्रदीप कबरे

तसेच गणेश जगताप आणि अभिजीत झुंजारराव यांचे विशेष सहकार्य लाभणार आहे.

आरती आर्ट अकादमीचे विश्वस्त-अध्यक्ष प्रदीप कबरे यांनी सर्व रसिक प्रेक्षकांना उपस्थित राहून मराठी भाषेच्या गौरवासाठी आणि अभिजाततेसाठी जागर करण्याची विनंती केली आहे.

हा कार्यक्रम मराठी भाषा, कला आणि संस्कृतीचा उत्सव असून, सर्व रसिकांसाठी अविस्मरणीय ठरणार आहे.