🔥 “राहुल गांधींना मारण्याची धमकी – भाजपा प्रवक्ते प्रिंटू महादेवन यांच्यावर फौजदारी गुन्हा दाखल करा!” – सूरज गोंडे यांची संतप्त मागणी 🔥

लोकदर्शन बाखर्डी 👉उमेश
राजूरकर

बाखर्डी/गडचांदूर दिनांक 2 ऑक्टोबर 2025 :
काँग्रेसचे माजी अध्यक्ष व लोकसभा विरोधी पक्षनेते राहुल गांधी यांना गोळ्या घालून मारण्याची धमकी भाजपा प्रवक्ते प्रिंटू महादेवन यांनी थेट टीव्ही चॅनलवर दिली! ही लोकशाहीला थेट गळा घोटण्याची भाषा असून देशाच्या राजकीय वातावरणाला पेटवणारी आहे.

या संतापजनक वक्तव्याच्या निषेधार्थ गडचांदूर युवक काँग्रेस तुफानी आक्रमक झाली आहे. युवक काँग्रेसचे कार्याध्यक्ष सूरज गोंडे यांच्या नेतृत्वाखाली इंदर कश्यप (महासचिव) व सदानंद गिरी यांच्यासह शिष्टमंडळाने गडचांदूर पोलीस ठाण्यात धडक देत प्रिंटू महादेवन यांच्यावर फौजदारी गुन्हा दाखल करण्याची मागणी करणारी लेखी तक्रार सादर केली.

युवक काँग्रेसचा ठाम इशारा :
👉 “देशाच्या विरोधी पक्ष नेत्याला धमक्या देणाऱ्याला जर कायद्याने वश केले नाही, तर लोकशाहीच्या रक्षणासाठी रस्त्यावर उतरावे लागेल!”

काँग्रेस कार्यकर्त्यांनी स्पष्ट केले की – भाजपा प्रवक्त्याचे वक्तव्य हे केवळ राहुल गांधींच्या जीवाला धोका निर्माण करणारे नाही, तर लोकशाही व्यवस्थेवरील हल्ला आहे. त्यामुळे महादेवन यांना तात्काळ अटक करून कठोर शिक्षा करावी, तसेच राहुल गांधींना वाढीव एसपीजी सुरक्षा द्यावी, अशी मागणी करण्यात आली आहे.

🔥 या घटनेमुळे गडचांदूरसह परिसरात प्रचंड संताप उसळला असून, युवक काँग्रेसने पुढील आंदोलनाची चेतावणीही दिली आहे.