🌳 “एक पेड माँ के नाम” उपक्रमांतर्गत यशोधन विहारमध्ये भावनिक वृक्षारोपण कार्यक्रम! ♦️ मा. आमदार देवरावदादा भोगळे यांनी त्यांच्या आई गिरीजाबाई विठोबा भोगळे यांच्या स्मरणार्थ झाड लावले ♦️ संस्थापक श्री. रवींद्रलाल श्रीवास्तव व संचालिका सौ. पौर्णिमा श्रीवास्तव यांचा विशेष सहभाग

लोकदर्शन 👉 मोहन भारती

राजुरा – पी. एम. इन्फ्रावेंचर्स यशोधन विहार परिवार आणि “एक पेड माँ के नाम” या सामाजिक उपक्रमांतर्गत यशोधन विहार परिसरात वृक्षारोपणाचा एक प्रेरणादायी कार्यक्रम उत्साहात पार पडला.

या कार्यक्रमात राजुरा विधानसभा क्षेत्राचे आमदार मा. देवरावदादा भोगळे यांनी स्वतः सहभाग घेऊन वृक्षारोपण केले. विशेष म्हणजे त्यांनी आपल्या आई सौ. गिरीजाबाई विठोबा भोगळे यांच्या स्मरणार्थ झाड लावले आणि ‘एक पेड माँ के नाम’ या भावनिक संकल्पनेला सामर्थ्य दिले.

कार्यक्रमात “एक पेड माँ के नाम” उपक्रमाचे संस्थापक श्री. रवींद्रलाल श्रीवास्तव आणि संस्थेच्या संचालिका सौ. पौर्णिमा रवींद्रलाल श्रीवास्तव यांनीही वृक्षारोपण करून मातृवंदनेचा आदर्श घालून दिला.

सदर उपक्रमात परिसरातील नागरिक, महिला, तरुण, लहान मुले तसेच पर्यावरणप्रेमी मोठ्या संख्येने उपस्थित होते. मातृप्रेम व पर्यावरण संवर्धन यांचे अद्वितीय दर्शन घडवणारा हा उपक्रम उपस्थित सर्वांच्या मनाला स्पर्शून गेला.