📰 मुल एसडीओ कार्यालयाच्या सभागृहाचे नूतनीकरण मंजूर – आ. सुधीर मुनगंटीवार यांचे प्रयत्न फलद्रूप

लोकदर्शन चंद्रपूर👉 मोहन भारती

चंद्रपूर, दि. ६ : राज्याचे माजी मंत्री व आमदार सुधीर मुनगंटीवार यांच्या प्रयत्नांना यश मिळाले असून मुल येथील एसडीओ कार्यालयातील सभागृहाच्या नूतनीकरणासाठी १ कोटी ३० लाख रुपयांचा निधी मंजूर करण्यात आला आहे.

आ. मुनगंटीवार यांनी नुकत्याच झालेल्या आढावा बैठकीत सभागृहाच्या दुरवस्थेकडे लक्ष वेधले होते. त्यानंतर तातडीने काम सुरू करण्याचे निर्देश त्यांनी प्रशासनाला दिले होते. या निर्देशानंतर प्रशासनाने आवश्यक निधीची मागणी केली आणि आ. मुनगंटीवार यांनी त्यासाठी सातत्याने पाठपुरावा केला. याला आता यश मिळाले असून कामाला लवकरच सुरुवात होणार आहे.

सभागृहाच्या नूतनीकरणामुळे प्रशासनाच्या कामकाजाची क्षमता वाढणार असून नागरिकांसाठी अधिक सुविधा उपलब्ध होतील. प्रशासकीय बैठका आणि विविध कार्यक्रम आता अधिक चांगल्या वातावरणात पार पडतील, असा विश्वास आ. मुनगंटीवार यांनी व्यक्त केला.

मुल तालुक्याचा बदललेला चेहरामोहरा

आ. सुधीर मुनगंटीवार यांच्या पुढाकाराने मुल तालुक्यात मागील काही वर्षांत विविध विकासकामांचा भरीव धडाका बसलेला आहे.

🔹 मुख्य रस्त्यांचे मजबुतीकरण
🔹 कर्मवीर मा.सा. कन्नमवार सभागृह
🔹 तहसील कार्यालय व पंचायत समितीची इमारत
🔹 पाणीपुरवठा योजना
🔹 स्टेडियम आणि इको पार्क
🔹 डॉ. श्यामाप्रसाद मुखर्जी वाचनालय
🔹 स्विमिंग टँक व आठवडी बाजाराचे उभारणी

या सोबतच, १०० खाटांच्या उपजिल्हा रुग्णालयासाठी मान्यता मिळाली असून काम प्रगतीपथावर आहे. सोमनाथ येथे भव्य कृषी महाविद्यालय उभे राहत आहे आणि शूरवी मुलींसाठी विशेष महाविद्यालय सुरू करण्यात आले आहे.

आ. मुनगंटीवार यांच्या विकासाभिमुख दृष्टिकोनामुळे मुल तालुक्याचा चेहरामोहरा बदलत असून, त्याचा थेट लाभ सामान्य जनतेला मिळत आहे.

📌 प्रतिनिधी – लोकदर्शन न्यूज, चंद्रपूर जिल्हा