🟨 आमदार देवराव भोंगळे यांचे धार्मिक स्थळांना भेट देत भक्तीमय दर्शन

लोकदर्शन माहूर 👉मोहन भारती

काल आर्णी शहराच्या नियोजित दौऱ्यावर असताना नजीकच्या नांदेड जिल्ह्यातील माहूर येथील प्रसिद्ध धार्मिक स्थळांना भेट देत भक्तीमय वातावरणात दर्शन घेतले. यामध्ये आदिशक्ती रेणुकामाता मंदिर, दत्तशिखर मंदिर तसेच अनुसया माता मंदिर येथे जाऊन पूजा-अर्चा करण्यात आली.

यावेळी मंदिर परिसरात भाविकांमध्ये उत्साहाचे वातावरण निर्माण झाले होते. मंदिरातील विश्वस्तांनी शाल व श्रीफळ देऊन सन्मान केला. त्याबद्दल कृतज्ञता व्यक्त करत सर्वांच्या मंगलमय आयुष्याची प्रार्थना करण्यात आली.

या प्रसंगी व्यवस्थापक व जनसंपर्क अधिकारी विजय राऊत, महादेव मंदे, मंदिराचे विश्वस्त दुर्गादास भोपी, नितीन गेडाम तसेच मोठ्या संख्येने नागरिक उपस्थित होते.