🕌 “आमदार देवराव दादा भोंगळे यांच्या उपस्थितीत ईद-ए-मिलन: पैगाम-ए-मोहब्बत व सामाजिक सलोख्याचा संदेश”

लोकदर्शन 👉मोहन भारती

ईद-ए-मिलन समारोहाच्या निमित्ताने पैगाम-ए-इंसानियत फाउंडेशनच्या वतीने मौजा बिबी येथे आयोजित कार्यक्रमात काल (दि. ३०) उत्साहपूर्ण वातावरणात भेट व संवाद कार्यक्रम पार पडला. या कार्यक्रमास आमदारांच्या उपस्थितीत मुस्लिम बांधवांशी संवाद साधत सामाजिक ऐक्य व बंधुभावाचा संदेश देण्यात आला.

यावेळी बोलताना, आपल्या परिसरातील सर्वधर्मीय नागरिक वर्षानुवर्षे एकोप्याने व गुण्यागोविंदाने राहत असल्याचे अधोरेखित करण्यात आले. हीच आपल्या संस्कृतीची खरी ओळख असून, अशा सणांमुळे परस्परांतील प्रेम, आदर आणि सलोखा अधिक दृढ होतो, असेही सांगण्यात आले. ईदच्या या पवित्र सणानिमित्त सर्व नागरिकांच्या जीवनात सुख, शांती आणि समृद्धी नांदो, अशी सदिच्छा व्यक्त करण्यात आली.

या कार्यक्रमास भाजपाचे जिल्हा महामंत्री विवेक बोढे, कोरपना तालुकाध्यक्ष संजय मुसळे, महामंत्री अरुण रागीट, समाजसेवक आबिद अली, डॉ. गिरीधर काळे, शिवचंद काळे, संजय नीत, उपसरपंच आशिष देरकर, रत्नाकर चटप, रवी बंडीवार, पुरुषोत्तम निब्रड, प्रमोद वाघाडे, विशाल अहिरकर, सचिन आस्वले, अकबर रशीद शेख, अफरोज फिरोज कुरेशी, अक्रम रहीम शेख, समीर सादिक शेख, शाहरुख भाई, मौलाना सहबाज तहसिनी, मौलाना अनिस रजा यांच्यासह मुस्लिम बांधव व नागरिक मोठ्या संख्येने उपस्थित होते.