🚨 गडचांदूर-लखमापूर सिमेंट रोड चिखलमय; अपघातांची मालिका! ♦️अंबुजा कंपनी व बांधकाम विभागाचे दुर्लक्ष – ग्रामस्थ संतप्त; खाण बंद पाडण्याचा इशारा

उमेश राजुरकर / लोकदर्शन
कोरपना तालुका ⬥ बाखर्डी :
लखमापूर येथील अंबुजा सिमेंट कंपनीच्या मराठा लाईमस्टोन खाणीतून सुरू असलेली ओव्हरलोड वाहतूक भर पावसात अपघातांचे कारण ठरत आहे. गडचांदूर-लखमापूर माईन्सपर्यंतचा सिमेंट काँक्रिट रोड चिखलमय झाल्याने वाहने घसरून रोज अपघात होत आहेत. विद्यार्थ्यांसह सर्वसामान्य नागरिकांची प्रचंड गैरसोय होत असून, कंपनी आणि बांधकाम विभागाकडून सरळसरळ दुर्लक्ष होत असल्याचा आरोप स्थानिकांनी केला आहे.

ग्रामपंचायत लखमापूरचे माजी उपसरपंच मोरेश्वर आस्वले यांनी संताप व्यक्त करत स्पष्ट इशारा दिला –
👉 “पावसाळ्यात वाहतूक सुरू ठेवली, तर खाण बंद पाडण्याचा निर्धार ग्रामस्थ करतील.”

दरम्यान, सहाय्यक अभियंता शुभम अड्डेटवार यांनी सांगितले की, लखमापूर माईन्स हद्दीत पक्के मटेरिअल टाकून वाहतूक व्यवस्थापन केल्यास रस्त्यावर चिखलाचा थर बसेल नाही आणि नागरिकांना दिलासा मिळू शकेल.