🌺 गणेश विसर्जन सोहळ्यात जनजागृती सेवा संस्थेचा सामाजिक उपक्रम 🌺 ♦️जेष्ठ सल्लागार अरविंद सुर्वे यांच्या हस्ते भक्तांना मोफत पाणी, बिस्कीट व शितपेय वाटप

लोकदर्शन चिपळूण (प्रतिनिधी 👉 गुरुनाथ तिरपणकर):

गणेश आगमन सोहळा जितक्या उत्साहात आणि जल्लोषात साजरा होतो, तितक्याच भक्तिभावाने व पारंपरिक उत्साहात गणेश विसर्जन सोहळा पार पडतो. ढोल-ताश्यांच्या गजरात आणि भक्तिमय वातावरणात कोंडमाळा (ता. चिपळूण) येथील विसर्जन सोहळाही संपन्न झाला.

या प्रसंगी गणेश भक्तांच्या सेवेसाठी जनजागृती सेवा संस्थेच्या माध्यमातून संस्थेचे जेष्ठ सल्लागार व मार्गदर्शक अरविंद सुर्वे यांनी मोफत पिण्याचे पाणी, बिस्कीट व फ्रुटी शितपेय वाटप केले. विसर्जन स्थळी आलेल्या भक्तांना अरविंद सुर्वे यांच्या हस्ते हे वाटप करण्यात आले.

पंचक्रोशीतील सर्व गणेश भक्तांनी या उपक्रमाचे मनःपूर्वक स्वागत करत अरविंद सुर्वे यांच्या सामाजिक बांधिलकीचे कौतुक केले. तसेच जनजागृती सेवा संस्थेच्या पदाधिकाऱ्यांनी हा उपक्रम यशस्वी केल्याबद्दल अरविंद सुर्वे यांचे अभिनंदन व आभार मानले.

अशा प्रकारचे उपक्रम सण-उत्सवांमध्ये जनसेवा आणि समाजजागृती यांना चालना देणारे ठरतात, असा विश्वास स्थानिकांनी व्यक्त केला.