🚧 वर्धा नदीवरील पुलामुळे दरवर्षी वाहतूक ठप्प – नविन पुलाची तातडीने उभारणीची मागणी

लोकदर्शन चंद्रपूर 👉मोहन भारती

धानोऱा-गडचांदूर-राजुरा-तेलंगणा राज्याला जोडणाऱ्या मार्गावरील वर्धा नदीवरील पूल हा दरवर्षी पावसाळ्यात पाण्याखाली जात असल्याने वाहन वाहतुकीस मोठा अडथळा निर्माण होतो. पाण्याचा प्रचंड विसर्ग पुलावरून गेल्यामुळे दरवर्षी ७ ते ८ आठवडे हा मार्ग पूर्णपणे बंद रहातो. त्यामुळे हजारो वाहने अडकून पडतात व उद्योगधंदे, व्यापारी व्यवहार, सामान्य नागरिक यांना मोठ्या समस्येला सामोरे जावे लागते.

सन २०१९ पासून सलगपणे दरवर्षी हा पूल वाहतुकीस अडथळा ठरत असून २०२१ साली तब्बल ८ दिवस तर २०२२ साली ४८ दिवसांपर्यंत मार्ग बंद राहिला होता. परिणामी, रजुरा-गडचांदूर परिसरातील अनेक सिमेंट फॅक्टरीसह (L&T, ACC, अंबुजा, माणिकगड, दालमिया इ.) उद्योगांचे कामकाज ठप्प होते. हजारो ट्रकस अडकून राहत असल्याने कोट्यवधी रुपयांचे नुकसान होत आहे.

या समस्येवर कायमस्वरूपी तोडगा म्हणून नविन व उंच पूल उभारण्याची मागणी सामाजिक कार्यकर्ते इबादुल सिद्दीकी यांनी मुख्यमंत्री देवेंद्र फडणवीस यांच्याकडे केली आहे. त्यांनी निवेदनाद्वारे शासनाला कळविले की, “दरवर्षी हजारो वाहनधारक व नागरिकांना नाहक त्रास सहन करावा लागत आहे. त्यामुळे तातडीने नवीन पूल उभारून वाहतूक सुरळीत करावी.