🌾 धान उत्पादक शेतकऱ्यांसाठी दिलासादायक बातमी! आ. सुधीर मुनगंटीवार यांच्या पाठपुराव्याला यश – १३४ कोटींचा बोनस चंद्रपूरला प्राप्त 🌾

लोकदर्शन 👉मोहन भारती

चंद्रपूर:
राज्याचे माजी वने, सांस्कृतिक कार्य व मत्स्यव्यवसाय मंत्री तसेच आमदार श्री. सुधीर मुनगंटीवार यांच्या सातत्यपूर्ण आणि प्रभावी पाठपुराव्याला यश लाभले असून धान उत्पादक शेतकऱ्यांसाठीच्या दुसऱ्या टप्प्यातील ₹१३४ कोटी २ लाख ५४ हजार ६३६ रुपयांची बोनस रक्कम चंद्रपूरच्या पणन अधिकारी कार्यालयाकडे प्राप्त झाली आहे.

या अगोदरच पहिल्या टप्प्यातील ₹६९ कोटींची रक्कम शेतकऱ्यांच्या खात्यात जमा करण्यात आली आहे. आता ही दुसऱ्या टप्प्यातील रक्कम लवकरच शेतकऱ्यांच्या थेट बँक खात्यात वर्ग केली जाणार आहे.

🏛️ विधानसभेपासून ‘वर्षा’ निवासापर्यंत पाठपुरावा:

शैक्षणिक वर्ष 2024–25 साठी खरीप हंगामात किमान आधारभूत किंमत खरेदी योजनेअंतर्गत नोंदणीकृत शेतकऱ्यांना प्रति हेक्टर ₹20,000 बोनस मिळावा, अशी मागणी आ. मुनगंटीवार यांनी विधानसभेत, तसेच मुख्यमंत्री एकनाथ शिंदे यांच्यासमोर वारंवार लावून धरली होती.

25 मार्च 2025 रोजी अन्न व नागरी पुरवठा विभागाने यासंदर्भातील शासन निर्णय अधिकृतरीत्या जाहीर केला. यातील खास बाब म्हणजे – धान विक्री केली नसली तरी नोंदणीकृत शेतकऱ्यांना दोन हेक्टर मर्यादेपर्यंत प्रोत्साहनपर रक्कम मिळणार आहे, असा स्पष्ट निर्णयही मुनगंटीवार यांच्या पाठपुराव्यामुळे झाला.

🌱 पूर्वीही मिळवले २०२ कोटींचे पीक विमा व बोनस:

यापूर्वीही २०२ कोटींच्या पीक विमा आणि बोनस योजना चंद्रपूर जिल्ह्यातील शेतकऱ्यांपर्यंत पोहचवण्यात आ. मुनगंटीवार यशस्वी ठरले होते. शेतकऱ्यांच्या न्यायहक्कासाठी झगडणारे आमदार म्हणून त्यांची भूमिका ठळकपणे अधोरेखित होते.

🙏 शेतकऱ्यांचे आभार व समाधान:

या निर्णयामुळे जिल्ह्यातील हजारो धान उत्पादक शेतकऱ्यांमध्ये आनंद आणि समाधानाचे वातावरण असून, शेतकऱ्यांनी आ. सुधीर मुनगंटीवार यांचे विशेष आभार मानले आहेत.

✍️
(मोहन. भारती)
लोकदर्शन सकारात्मक लोकजागर
🌐 सकारात्मक लोकजागरासाठी समर्पित