🌸 आषाढी एकादशी निमित्त वाल्मिकेश्वर विद्यालयात विद्यार्थ्यांचा भक्तिमय दिंडी सोहळा 🌸 वारकरी वेशभूषा, हरिनाम संकीर्तनाने वालुर गाव दुमदुमलं

लोकदर्शन वालुर / प्रतिनिधी –👉महादेव गिरी

आषाढी एकादशी निमित्त वालुर येथील स्व. नागाबाई साडेगांवकर शिक्षण प्रसारक मंडळ संचालित वाल्मिकेश्वर माध्यमिक विद्यालयात दि. ५ जुलै रोजी एक भक्तिभावपूर्ण दिंडी सोहळा पार पडला. या सोहळ्याचे मार्गदर्शन मुख्याध्यापक एस. डि. भोकरे यांनी केले.

शालेय विद्यार्थ्यांनी श्री पांडुरंग आणि रुक्मिणी माता यांची वेशभूषा परिधान करून, पारंपरिक वारकरी पोशाखात, टाळ-मृदंगांच्या गजरात व हरिनामाच्या जयघोषात गावातील मुख्य रस्त्यावरून पालखी मिरवणूक काढली. विद्यार्थ्यांनी विविध अभंग, गवळणी सादर करत संपूर्ण वातावरण भक्तिमय करून टाकले.

दिंडीचा समारोप विठ्ठल-रखुमाई मंदिरात अभंगगान व पसायदान सादर करून करण्यात आला.

कार्यक्रमाच्या यशस्वीतेसाठी एस.ए. महाडिक, श्रीमती एस.आर. सोनवणे, जि.एम. कावळे, व्हि.एन. बोंडे, बि.व्हि. बुधवंत, एम.एस. गिरी, डि.आर. नाईकनवरे, आर.बि. राठोड, कैलास राऊत, बळीराम शेंबडे यांनी विशेष मेहनत घेतली.

हरिनामाचा गजर, विद्यार्थ्यांची उत्साही सहभाग, आणि अध्यात्मिकतेचा स्पर्श या सर्वांनी एक आठवणीत राहणारा क्षण निर्माण केला.

📸 [कार्यक्रमाचे फोटो सोशल मीडियावर पाहण्यासाठी: #Ashadhi2025 #WalurDindi #ValmikeswarSchool]
— लोकदर्शन न्यूज नेटवर्क